باتىس قازاقستان وبلىسى توتەنشە جاعدايلار دەپارتامەنتى قىزمەتكەرلەرى ورالداعى  ورتكە ورانعان  ورماننان 100-دەن استام ادامدى ءقاۋىپسىز ايماققا جەتكىزگەنىن (ەۆاكۋاسيالاعانىن) حابارلاعان.  بۇل تۋرالى «قامشى» پورتالى Tengrinews.kz-كە سىلتەمە جاساي وتىرىپ حابارلايدى.

رەسمي مەكەمەلەردىڭ مالىمدەۋىنشە،  ءورت 14-تامىز كۇنى كەشكى ۋاقىتتاردا باستالعان. ءورتتىڭ قاتتى كۇش الۋىنىڭ سالدارىنان قالانى ءتۇتىن باسىپ كەتكەن. قالالىق ءورت ءسوندىرۋ قىزمەتكەرلەرىنىڭ جەدەل جۇمىسى ارقاسىندا ورتتەن 104 ادام ءقاۋىپسىز ايماققا شىعارىلعان. سونداي-اق،  20-دام استام جەكە كولىكتەر قۇتقارىلعان.  تجد حابارلاۋىنشا، وقيعا ورنىندا دەپارتامەنت قىزمەتكەرلەرى كومەك كورسەتۋدە.  توتەنشە جاعدايلار باسقارماسىنىڭ  مالىمەتىنشە، ءورت قۇرعاق شوپتەن شىققان. ورتتەن قازا تاپقاندار مەن جاراقات العاندار جوق.

ءورتتىڭ جالپى اۋماعى 35 گەكتاردى قۇراعان. قازىرگى تاڭدا وقيعا ورىنىندا تجد-نىڭ 137 قىزمەتكەرى مەن 29 بىرلىك تەحنيكا جۇمىلدىرىلعان. سونىمەن قاتار، بقو ءىىد-نىڭ 10 قىزمەتكەرى مەن 3 تەحنيكاسى قىزمەت كورسەتۋدە.

نۇرزات توعجان