وقو-دا كاسىپكەردەن 120 تەڭگە تالاپ ەتكەن دەپارتامەنت باسشىسىنا قاتىستى قىلمىستىق ءىس قوزعالدى. بۇل تۋرالى "قامشى" اقپاراتتىق پورتالى  nur.kz-كە سىلتەمە جاساي وتىرىپ حابارلايدى.

وقو-نىڭ دەپارتامەنت قىزمەتكەرلەرى تاراپىنان جۇرگىزىلگەن شۇعىل ىزدەستىرۋ شارالار ناتيجەسىندە، گاز قۇيۋ بەكەتىن پايدالانۋعا رۇقسات بەرەتىن  قۇجاتتاردى راسىمدەۋ ءۇشىن ينۆەستيسيا جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ وقو  بويىنشا دەپارتامەنتىنىڭ باسشىسى س.سەيتيموۆ كاسىپكەردەن 120 مىڭ تەڭگە پارا تالاپ ەتكەن.

ناقتىراق ايتقاندا «شىمكەنت گاز-تەرمينال» ءجشس-نىڭ قىزمەتكەرى ج.ءجۇنىسوۆ وزىنەن وسىنشاما پارا تالاپ ەتكەن س.سەيتىموۆكە اقشانى بەرۋ بارىسىندا قولعا ءتۇستى.

ايتا كەتۋ كەرەك، پارا بەرۋ دە، پارا الۋ دا قىلمىس بولىپ تابىلادى. سوندىقتان دا بۇل وقيعا بويىنشا «شىمكەنت گاز-تەرمينال» ءجشس-نىڭ قىزمەتكەرى ج.جۇنىسوۆكە قاتىستى پارا بەرۋ بويىنشا قىلمىستىق كودەكستىڭ 367 بابى 1 بولىگىنە سايكەس (پارا بەرۋ)، سوتقا دەيىنگى تەرگەپ-تەكسەرۋ باستالدى دەيدى وقو بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتىنىڭ باسپا ءسوز حاتشى –ەرلان ەرماحانبەتوۆ.

ال، س.سەيتيموۆكە قاتىستى قىلمىستىق كودەكستىڭ 366 بابى 1 بولىگىنە سايكەس (پارا الۋ) سوتقا دەيىنگى تەرگەپ-تەكسەرۋ جۇرگىزىلۋدە. ءقازىر وعان پروكۋروردىڭ سانكسياسىمەن «كەپىل» تۇرىندەگى بۇلتارتپاۋ شاراسى قولدانىلدى. تەرگەۋ امالدارى جۇرگىزىلۋدە.