الەۋمەتتىك جەلىلەردە رەسەيشىل پىكىرلەرىمەن تانىمال بولعان، كەيىن  ۇلتارالىق ارازدىقتى قوزدىرعانى ءۇشىن ۇستىنەن قىلمىستىق ءىس قوزعالىپ، الماتى قالاسىنداعى پسيحياتريا، پسيحوتەراپيا جانە ناركولوگيا عىلىمي-پراكتيكالىق ورتالىعىنا جاتقىزىلعان قازاقستاندىق بلوگگەر ەرمەك تايشىبەكوۆ وزىنە تاعىلعان ايىپتاردى تولىقتاي مويىندامايتىنىن ايتتى. بۇل تۋرالى «قامشى» پورتالى NUR.kz-كە سىلتەمە جاساي وتىرىپ حابارلايدى.

ەستەرىڭىزدە بولسا،  وسىعان دەيىن قامشى پورتالى «بەلسەندىلەر جىندىحاناعا جاتقىلىزعان تايشىبەكوۆتى بوساتۋدى تالاپ ەتىپ، پەتيسيا دايىنداۋدا» اتتى ماقالا جاريالاعان بولاتىن.

رەسەيلىك جانە قازاقستاندىق بۇقارالىق اقپارات قۇرالدارى «رەسەيدى جاقتاۋشى» تايىشبەكوۆ تۋرالى ءتۇرلى اقپارات جازعان. ءتىپتى، ونىڭ جاقتاستارى ق ر پرەزيدەنتى ن.نازاربايەۆتىڭ اتىنا پەتيسيا ازىرلەگەن دە بولاتىن.

ال قارسى توپ، «فەيسبۋك» الەۋمەتتىك جەلىسىندە «ەرمەك تايچيبەكوۆ جانە ونىڭ سىبايلاستارى قاماۋعا الىنسىن!» دەگەن ارنايى توپ پاراقشاسى دا اشقان.

بۇل اقپاراتتى centrasia.ru ءتارىزدى تاعى بىرنەشە اقپارات قۇرالدارى كوشىرىپ باسقان.

ال ەرمەك تايشىبەكوۆتىڭ جىندىحاناعا جاتقىزىلعانىن قازاقستان ۇلتتىق قاۋىپسىزدىك كوميتەتى (ۇقك) جامبىل وبلىستىق دەپارتامەنتىنىڭ 9-باسقارماسى باستىعى ورىنباسارى جولامان نۇرپەيىسوۆ ازاتتىققا بەرگەن سۇحباتىندا راستاعان.  

“ەرمەك تايچيبەكوۆتىڭ ۇستىنەن 2015 جىلى ماۋسىم ايىنىڭ 30-ى كۇنى قىلمىستىق كودەكستىڭ «الەۋمەتتiك، ۇلتتىق، رۋلىق، ءناسiلدiك، تەكتىك-توپتىق نەمەسە دiني الاۋىزدىقتى قوزدىرۋ» اتالاتىن 174-بابىنىڭ 1-تارماعى بويىنشا ءىس قوزعالدى دا، تەرگەۋ كەزىندە ەرمەك تايچيبەكوۆكە سوت-پسيحياتريالىق ساراپتاما جاسالىپ، ساراپشىلار «اقىل-ەسىنىڭ اۋىتقۋ بەلگىسى بار» دەگەن قورىتىندىعا كەلدى. تامىزدىڭ 12ء-سى كۇنى ول الماتىداعى پسيحياتريا، پسيحوتەراپيا جانە ناركولوگيا عىلىمي-پراكتيكالىق ورتالىعىنا ءبىر ايعا تەكسەرۋگە جاتقىزىلدى”، – دەدى جولامان نۇرپەيىسوۆ.

NUR.kzء-تىڭ جازۋىنشا، «ءسسسر-دىڭ ىدىراۋى مەن ءۇشىن تراگەديا بولدى. ويتكەنى مەنىڭ وتانىم ىدىراپ كەتتى. ەندى وتانىم (ءسسسر-دى ايتادى – رەد.) قايتا بىرىگۋى كەرەك. وتانىم – سسسر، رەسەي» دەپ جۇرگنە تايشىبەكوۆ ەندى ءبىراز ۋاقىت پسيحيكالىق اۋرۋحانادا تىنىعاتىن بولادى.

تايشىبەكوۆتىڭ  «فەيسبۋك» الەۋمەتتىك جەلىسىندەگى سەپاراتيستىك جازبالارىنا قاتىستى قازاقستاندىق بەلسەندىلەردىڭ ارىزى ءقازىر قارالۋ ۇستىندە. ال تايشىبەكوۆتىڭ ءوزى بولسا، ەندى قازاقستان مەن قازاقتار تۋرالى جازۋدى دوعاراتىنىن دا ايتقان-مىس.

ەرمەك تايچيبەكوۆ 2013 جىلى قازاقستاندىق zonakz.net اقپارات قۇرالىنا بەرگەن سۇقباتىندا «ءسسسر-دىڭ ىدىراۋى مەن ءۇشىن تراگەديا بولدى. ويتكەنى مەنىڭ وتانىم ىدىراپ كەتتى. ەندى وتانىم (ءسسسر-دى ايتادى – رەد.) قايتا بىرىگۋى كەرەك. وتانىم – سسسر، رەسەي» دەگەن بولاتىن. ول وسى سۇحباتىندا سول ماقساتىن ىسكە اسىرۋ ءۇشىن «رەسەي بيلىگىمەن بايلانىس ورناتقىسى كەلەتىنىن» دە مالىمدەگەن. ول بۇل جازبالالارى ءۇشىن قىلمىستىق كودەكستىڭ «الەۋمەتتiك، ۇلتتىق، رۋلىق، ءناسiلدiك، تەكتىك-توپتىق نەمەسە دiني الاۋىزدىقتى قوزدىرۋ» دەپ اتالاتىن 174-بابىنىڭ 1-تارماعى بويىنشا قىلمىسكەر دەپ تانىلعان ادام ەكi جىلدان جەتى جىلعا دەيiن باس بوستاندىعىنان ايىرىلۋى مۇمكىن.

نۇرزات توعجان