شىعىس قازاقستان وبلىسىندا بيىل ءۇشىنشى جىل قاتارىنان "شۋاقتى شاڭىراق" سايىسى ءوتتى. وعان جاس وتباسىلار قاتىستى. سايىستى وبلىستىق ىشكى ساياسات باسقارماسىنىڭ جاستار رەسۋرستىق ورتالىعى ۇيىمداستىردى.
اعىمداعى جىلعى سايىستىڭ ەرەكشەلىگى سول - ونلاين فورماتتا وتۋىندە. وعان ەلىمىزدە جاريالانعان كارانتين سەبەپ بولىپ وتىر.
بايقاۋعا وڭىردەگى بارلىق قالا، اۋدان مەن اۋىلدارداعى جاس وتباسىلار قاتىستى.
- بايقاۋ ءداستۇرلى وتباسىلىق قۇندىلىقتار مەن سالاۋاتتى ءومىر سالتىن ناسيحاتتاۋ، سونداي-اق جاس وتباسىلاردىڭ باستامالارىنا قولداۋ كورسەتۋ ماقساتىندا ۇيىمداستىرىلدى.
"وتباسىنىڭ ونەگەسى - وتان ونەگەسى" – دەگەن قازاق. بۇل بايقاۋدىڭ جاستارعا بەرەر ءتالىمى مول.
بايقاۋ بىرنەشە كەزەڭنەن تۇردى. سايىس بارىسىندا  ءار وتباسى وزدەرىن تانىستىرىپ، ونەرلەرىن ورتاعا سالدى. اباي قۇنانباي ۇلىنىڭ شىعارماشىلىعىنان سىر شەرتەتىن ولەڭدەردى جاتقا وقىدى.
سايىس جەڭىمپازدارى قازىلار القاسى مەن الەۋمەتتىك جەلىدەگى وقىرمانداردىڭ لايكتارى ارقىلى تاڭدالدى.
بايقاۋدىڭ قورتىندىسى بويىنشا ءبىرىنشى ورىندى سەمەي قالاسىنىڭ تۇرعىندارى باۋىرجانوۆتار وتباسى جەڭىپ الدى. ەكىنشى ورىندى اياگوز اۋدانىنداعى ساعاتبەكوۆتەر وتباسى يەلەندى. ءۇشىنشى ورىن اباي اۋدانىندا تۇراتىن  ۇركىمبايەۆتار وتباسىنا بۇيىردى.
سونداي-اق اباي قۇنانباي ۇلىنىڭ شىعارمالارىن ءۇش تىلدە وقىعان  ساعاتبەكوۆتەر وتباسىنا "كورەرمەندەر كوزايىمى" نوميناسياسى بەرىلدى.
ايتا كەتەيىك، الداعى ۋاقىتتا مۇنداي سايىستار تالاي مارتە ۇيىمداستىرىلاتىن بولادى.