باسىلىم وڭتۇستىك وڭىرگە اكىم بولىپ كەلگەن بەيبىت اتامقۇلوۆ تۋرالى قىزىقتى مالىمەتتەردى جاريا ەتتى. بۇل تۋرالى "قامشى" اقپاراتتىق پورتالى "نۇر.كز" سايىتىنا سىلتەمە جاساي وتىرىپ حابارلايدى.

اتاپ ايتار بولساق، كەزىندە «قازاقستان تەمىر جولى» كومپانياسىن باسقارعان ەرلان اتامقۇلوۆ پەن بەيبىت اتامقۇلوۆتىڭ بىر-بىرىنە تۋىسقان ەكەنى بەلگىلى بولدى.

ودان بولەك، جاڭا اكىم 1996 جىلى «راحات مەتالس» كومپانياسىنىڭ باس ديرەكتورى، 2002 جىلدان باستاپ «راحات» كومپانياسىندا ديرەكتورلار كەڭەسىنىڭ ءتوراعاسى قىزمەتىن اتقارعان.

بارىنەن بۇرىن اتامقۇلوۆتاردىڭ قۇدالىقتان جولى بولعانى كورىنىپ تۇر.

باعيلا جانە بەيبىت اتامقۇلوۆتار مالايزيالىق قۇدالارىمەن بىرگە. فوتو: rgmedia.kz

باسىلىمنىڭ جازۋىنشا، وقو اكىمىنىڭ نەمەرە اعاسى ەرلان اتامقۇلوۆ يمانعالي تاسماعامبەتوۆتىڭ اپكەسى نۇرسۇلۋ تاسماعامبەتوۆامەن تۋعان قۇدا ەكەن.

قازاقى تىلمەن ايتقاندا بەيبىت اتامقۇلوۆتىڭ كەلىنى مالايزيا پرەمەر-مينيسترىنىڭ جيەنى بولىپ كەلەدى.

ال، بەيبىت اتامقۇلوۆ باسقا ەمەس، مالايزيا پرەمەر-مينيسترىنىڭ قىزىن وزىنە كەلىن ەتكەن.

بيىل بولات نازاربايەۆتىڭ وگەي بالاسى دانيار كەسىكبايەۆ مالايزيا پرەمەر-مينيسترىنىڭ قىزىمەن جۇپ جاراستىرىپ، وتىز كۇن ويىن، قىرىق كۇن تويىن وتكىزگەنىن بىلەمىز. قازاقتىڭ جىگىتتەرىنە شەتىنەن ۇلەستىرە بەرەتىن مالايزيا پرەمەر-مينيسترىنىڭ قىزدارى كوپ پە؟ وسى اقپاراتتىڭ انىق-قانىعىن انىقتاۋ كەزىندە بىلگەنىمىز – مالايزيادا پرەمەر-مينيستر كوپ بولىپ شىقتى. وندا ءار ءوڭىردىڭ پرەمەرى بولاتىن كورىنەدى.

بەيبىت اتامقۇلوۆتىڭ ۇلى دياس 2013 جىلى مالايزيانىڭ ساراۆاك دەپ اتالاتىن اكىمشىلىك ايماعىنىڭ پرەمەر ءمينيسترى تايىپ ماحمۋدتتىڭ قارىنداسىنىڭ قىزىنا ۇيلەنگەن ەكەن. قازاقى تىلمەن ايتقاندا بەيبىت اتامقۇلوۆتىڭ كەلىنى مالايزيا پرەمەر-مينيسترىنىڭ جيەنى بولىپ كەلەدى.

ەسكە سالا كەتەيىك، جاقىنداعى اۋىس-تۇيىستە ەلباسىمىز وڭتۇستىك قازاقستان وبلىسىنىڭ جاڭا اكىمى قىزمەتىنە بەيبىت اتامقۇلوۆتى تاعايىنداعان بولاتىن.