شىعىس قازاقستان وبلىسى گلۋبوكوە اۋدانىندا 4 كۇن بۇرىن جوعالعان ايەل ءولى كۇيىندە تابىلدى. بۇل تۋرالى وبلىس پوليسياسى Instagram الەۋمەتتىك جەلىسىندە حابارلادى.
پوليسيانىڭ اقپاراتىنشا، تۋىستارى ايەلدىڭ تاڭەرتەڭ جۇمىسقا شىققاننان كەيىن قايتىپ ورالماعانىن ايتقان.
ايەلدىڭ دەنەسى گلۋبوكوە اۋدانى بەلوۋسوۆكا اۋىلىنان جەتى شاقىرىم جەردە كومىلگەن كۇيدە تابىلدى. قىلمىستى جاساعان 59 جاستاعى ەر ادام قايتىس بولعان ايەلمەن تانىس ەكەنى انىقتالدى.
– ول رەسەيمەن شەكارادا ۇستالدى. جەڭىل كولىكپەن ەلدەن شىعىپ كەتۋگە تىرىسقان. كۇدىكتى ۋاقىتشا ۇستاۋ يزولياتورىنا قامالدى، – دەدى وبلىستىڭ پوليسيا دەپارتامەنتى باسشىسىنىڭ ورىنباسارى، پوليسيا پولكوۆنيگى تالعات شاياحمەتوۆ.
ايەلدى تابۋ ءۇشىن ەرىكتىلەر مەن پوليسەيلەر تاۋلىك بويى ايماقتىڭ اينالاسىن قاراپ شىققان.
گلۋبوكوە اۋدانىنىڭ پوليسيا قىزمەتكەرلەرى تەرگەۋ ءىس-شارالارىن جۇرگىزىپ جاتىر.
پىكىر قالدىرۋ