قازاقستاندا 17 تامىزدان باستاپ Nur Otan پارتياسىنىڭ پرايمەريزىنە كانديداتتاردى تىركەۋ باستالدى. ءۇش كۇننىڭ ىشىندە شىعىس قازاقستان وبلىسىندا 309 ادام تىركەلىپ ۇلگەردى. ونىڭ ىشىندە 43% ايەلدەر، 26% جاستار قۇرايدى. بۇل تۋرالى ايماقتىق كوممۋنيكاسيالار قىزمەتىندە وتكەن بريفينگ بارىسىندا Nur Otan پارتياسىنىڭ شقو بويىنشا فيليالى ءتوراعاسىنىڭ ءبىرىنشى ورىنباسارى ولەگ چۋگۋنكوۆ ءمالىم ەتتى.
«309 ادام تىركەلدى. ونىڭ ىشىندە 206-سى ءوزىن-وزى ۇسىنۋشىلار. ءبىزدى پارتيالاستاردىڭ بەلسەندىلىگى قۋانتتى. باستى ماقسات - مۇمكىندىگىنشە كوپ ادامداردى تارتۋ بولاتىن. بىزگە 1200-دەن استام قوڭىراۋ كەلىپ ءتۇستى. ءالى دە تەلەفون شالاتىندار قاتارى جالعاسۋدا. مەنىڭشە، كانديداتتاردىڭ سانى بۇدان دا كوپ بولادى»، - دەدى ولەگ چۋگۋنكوۆ.
كانديداتتاردى تىركەۋ 28 تامىزعا دەيىن جالعاسادى. كەيىن كانديداتتار ۇگىت-ناسيحات جۇمىستارىن جۇرگىزىپ، دەبات ۇيىمداستىرىپ، داۋىس جينايدى.
جالپى، قازىرگى ۋاقىتتا اشىق جانە شىنايى ىشكى پارتيالىق سايلاۋدى وتكىزۋگە بارلىق جاعداي جاسالعان. پارتيا كوشباسشىسى نۇرسۇلتان نازاربايەۆ ايتقانداي، ەڭ باستىسى، باسەكەگە قابىلەتتى بارلىق قاتىسۋشى اراسىنداعى تەڭ قۇقىقتى ساقتاۋ.
«پرايمەريزگە پارتيا مۇشەلەرىنەن بولەك، ەلىمىزدىڭ دامۋىنا ۇلەس قوسقىسى كەلەتىن ءاربىر بەلسەندى ازامات قاتىسا الادى. پرايمەريز اكتۋالدى ماسەلەلەردى قوزعاپ، ونى شەشۋگە باعىتتالىپ وتىر. سوندىقتان ءبىز شىنايى كوشباسشىلاردى كورگىمىز كەلەدى»، - دەدى ولەگ چۋگۋنكوۆ.
پرايمەريزگە قاتىسۋ ەرەجەلەرى تۋرالى تولىق اقپاراتتى nurotan.kz جانە primaries.kz سايتتارىنان كورۋگە بولادى.
پىكىر قالدىرۋ