قىتايدىڭ اسكەري-تەڭىز جاتتىعۋلارى ءجۇرىپ جاتقان كەزدە امەريكانىڭ "U-2" بارلاۋ ۇشاعى ۇشۋعا بولمايتىن ايماققا كىردى. بۇل وقيعا سوڭعى ۋاقتتان بەرى ساۋدا، ادام قۇقىقتارى مەن اسكەري وپەراسيالار جاعىنان قاتىناستارى ناشارلاعان اقش پەن جۇڭگو اراسىنداعى شيەلەنىستى ۋشىقتىردى.
قىتايدىڭ قورعانىس مينيسترلىگىنىڭ وكىلى ۋ سيان وتە جاقىن ۇشۋعا ەسكەرتۋ جاسادى. ونىڭ ايتۋىنشا، امەريكالىق "U-2" بارلاۋ ۇشاعى جۇڭگو ازات ەتۋ ارمياسىنىڭ سولتۇستىك اسكەري ايماعىنداعى ۇشۋعا تىيىم سالىنعان اۋماققا كىرگەن.
ۇشاق قىتايدىڭ اسكەري-تەڭىز كۇشتەرى وق-دارىمەن جاتتىعۋ جاساپ جاتقان كەزدە وتكەن.
بەيجىڭ اقش-تىڭ ارەكەتتەرىنە نارازىلىق ءبىلدىرىپ، ۆاشينگتونعا ىقتيمال اپاتقا بايلانىستى رەسمي ەسكەرتۋ جاساعان.
جۇڭگو وكىلى اقش-تىڭ ۇشۋى "ايقىن ارانداتۋشىلىق" بولعانىن جانە ەكى ەل اراسىنداعى قارىم-قاتىناس ءۇشىن اپاتتى بولۋى مۇمكىن ەكەنىن مالىمدەگەن.
پىكىر قالدىرۋ