ءماجىلىس ءتوراعاسى  نۇرلان نىعماتۋلين قازاقستاندىقتاردى مەملەكەتتىڭ ايتۋلى مەرەكەسى   كونستيتۋسيا كۇنىمەن قۇتتىقتادى.

ءماجىلىس ءتوراعاسى ءوزىنىڭ Twitter-دەگى جەكە پاراقشاسىندا جاريالاعان قۇتتىقتاۋىندا:

«سىزدەردى ەلىمىزدىڭ مارتەبەلى مەرەكەسى – كونستيتۋسيا كۇنىمەن قۇتتىقتايمىن! وسىدان 25 جىل بۇرىن ەلباسىمىز ن.ءا. نازاربايەۆ ىرگەسىن قالاعان اتا زاڭىمىز تاۋەلسىزدىگىمىزدى نىعايتىپ، حالىقتىڭ بىرلىگى مەن ىنتىماعىن ارتتىردى!» - دەدىhttps://twitter.com/NigmatulinKZ/status/1299908381931601922.

سونىمەن قاتار، ءماجىلىس ءتوراعاسى ءوز قۇتتىقتاۋىندا ەلباسى                    ن.ءا. نازاربايەۆتىڭ كونستيتۋسيادا بەلگىلەنگەن قاعيداتتارىنىڭ ارقاسىندا قازاقستان بۇگىندە زاماننىڭ سىن-قاتەرلەرىنە جاۋاپ بەرىپ، مەملەكەت باسشىسى ق.ك. توقايەۆ ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس دامىپ كەلە جاتقانىنا توقتالدى.

سونداي-اق، نۇرلان نىعماتۋلين 1995 جىلى قابىلدانعان كونستيتۋسيانىڭ ارقاسىندا كاسىبي پارلامەنت قۇرىلعانىن ايتىپ، كونستيتۋسيادا بەكىتىلگەن قوعامدىق كەلىسىم، ساياسي تۇراقتىلىق جانە پاتريوتيزم - ۇلتتىق قاۋىپسىزدىكتى قامتاماسىز ەتۋ مەن قازاقستاندىقتاردىڭ ءال-اۋقاتىن ارتتىرۋدىڭ كەپىلىنە  اينالعانىنا نازار اۋداردى.

ءماجىلىس ءتوراعاسى تاۋەلسىزدىكتىڭ تۇعىرىنا اينالعان اتا زاڭ ءاربىر قازاقستاندىق ءۇشىن قىمبات ەكەنىن العا تارتا كەلىپ، بارشا حالقىمىزعا  اماندىق، ەلىمىزگە قۇت-بەرەكە تىلەدى.