ق ر مەملەكەتتىك حاتشىسى قىرىمبەك كوشەربايەۆ باستاپ كەلگەن ابايدىڭ 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتىك كوميسسيا مۇشەلەرى ەل پرەزيدەنتىنىڭ تاپسىرماسىمەن قايتا جاڭارتىلعان تاريحي-مادەني نىسانداردى ارالاپ قايتتى.
تاريحي نىسانداردى ارالاۋ ەڭ الدىمەن سەمەيدەگى قايتا جوندەۋ جۇمىستارى جۇرگىزىلگەن اباي الاڭىنان باستاۋ الدى. الاڭ مۇلدەم جاڭا كەيىپكە ەنگەن. ۇلى ويشىلدىڭ ەسكەرتكىشى قالپىنا كەلتىرىلگەن. جول جيەكتەرى جوندەلگەن. ىڭعايلى دەمالىس ورىندارى جاسالدى. بالالارعا ارنالعان ويىن الاڭدارى مەن سپورتتىق الاڭدار بوي كوتەردى. قىلقان جاپىراقتى اعاشتار وتىرعىزىلدى. الاڭ ماڭىنداعى كوپقاباتتى تۇرعىن ءۇي كەشەندەرى جوندەلدى. بۇل اۋماق قالا تۇرعىندارىنىڭ سۇيىكتى دەمالىس ورىندارىنىڭ بىرىنە اينالارى ءسوزسىز.
پىكىر قالدىرۋ