«استانا ەكسپو-2017″ ۇلتتىق كومپانياسىنىڭ ەكس-باسشىسى تالعات ەرمەگيايەۆتىڭ جەكە  كولىك جۇرگىزۋشىسى سايات نادىربايەۆتى ءتارتىپ ساقشىلارى كۇشتەپ، باسشىسىنا قارسى كۋالىك ەتۋگە ماجبۇرلەگەن. بۇل تۋرالى  NUR.kz حابارلايدى.

سايتتىڭ  جازۋىنشا، جۇرگىزۋشىنىڭ جاقىندارى نادىربايەۆتى كونسپيراتيۆتى پاتەردە بەس كۇن بويى كۇشتەپ ۇستاعانىن ايتقان.

4 تامىزدا سايات نادىربايەۆقا الماتى اۋەجايىندا بەلگىسىز بىرەۋلەر “استانا-ەكسپو-2017″ كومپانياسىنداعى جەمقورلىقتارعا قاتىستى كۋاگەرلىك تۇسىنىكتەمە بەرۋىن تالاپ ەتكەن. ەر كىسى استانادا ءىس بويىنشا تۇسىنىكتەمە بەرۋگە كەلىسىمىن بەرگەسىن 5 كۇن بويى حابارسىز كەتكەن.

«ونى ءبىر پاتەردە بەس كۇن قاماۋدا ۇستاپ، پسيحولوگيالىق قىسىم كورسەتكەن. بالالارىنىڭ فوتوسىن كورسەتىپ، قوقان-لوقى جاساعان. بولماعان جايتتار ءۇشىن كۋالىك ەتىپ، بەلگىسىز قۇجاتتارعا قول قويۋعا ماجبۇرلەگەن»، – دەيدى نادىربايەۆتىڭ قايىن اپكەسى اينۇر سۇرانشييەۆا.

جۇرگىزۋشىنىڭ جاقىندارى ونىڭ ومىرىنە ءقاۋىپ تونگەسىن، سايات تۇندە ۇيدەن بەلگىسىز باعىتقا حابارسىز كەتكەنىن ايتۋدا.

ونى ەستىگەن تەرگەۋشىلەر ءۇيىن ءتىنتىپ، تۇك تاپپاعان. اقىرى ساياتتىڭ ايەلىن سۇراقتىڭ استىنا الۋ ءۇشىن ەرتىپ اكەتكەن.

«ونى تەرگەۋگە العان. تەرگەۋ كەزىندە ايەل جاۋاپتارىن وزگەرتىپ جىبەرگەنىنە شاعىم ءتۇسىردى. پروكۋراتۋرا بۇل ءىستى تىركەپ، سوتالدى تەرگەۋ جۇمىستارىن باستادى”، – دەيدى قورعاۋشىسى ايمان ۋماروۆا.

ەسكە سالساق، «استانا-ەكسپو-2017″ ەكس-باسشىسى تالعات ەرمەگيايەۆ بۇگىندە ءۇيقاماققا الىنعان. ول 4 ملرد تەڭگە جىمقىردى دەپ كۇدىكتەلۋدە.