اقمولا وبلىسىنىڭ ەسىل اۋداندىق سوتىنىڭ تەرگەۋ سۋدياسى ەسىل اۋدانىنىڭ ىشكى ىستەر ءبولىمى تەرگەۋشىسىنىڭ قازاقستان رەسپۋبليكاسى قىلمىستىق كودەكسىنىڭ 120-بابى 3ء-شى بولىگىنىڭ 3-تارماعىنا سايكەس قىلمىس جاساعانى ءۇشىن ايىپتالۋشىلارعا قاماققا الۋ تۇرىندەگى سانكسيا بەرۋ تۋرالى ءوتىنىشىن قارادى. بۇل تۋرالى «قامشى» پورتالى «قازاقپاراتقا» سىلتەمە جاسايدى.

سوت پروسەسى بارىسىنداعى تەرگەۋ جۇمىستارىندا انىقتالعانداي،  ەسىل اۋداندىق ىشكى ىستەر ءبولىمى كامەلەتكە تولماعان  قىزعا  كۇش كورسەتۋ ارقىلى زورلاۋ فاكتىسى بويىنشا قىلمىستىق ءىس قوزعاعان جانە اتالعان قىلمىس بويىنشا كۇدىكتى رەتىندە ەكى ازاماتتى ۇستاعان.

الدىن الا تەرگەۋ ورگاندارى كۇدىكتى رەتىندە ۇستالعاندارعا اسا اۋىر قىلمىس جاسادى دەگەن ايىپتاۋدى ۇسىنىلىپ، ول ءۇشىن زاڭدا كەمىندە 10 جىل مەرزىمگە باس بوستاندىعىنان ايىرۋ جازاسى قارالعان. ايىپتالۋشىلاردىڭ ەكەۋى دە وتباسىن قۇرعان ازاماتتار. ءبىرىنىڭ كامەلەتتىك جاسقا تولماعان ەكى بالاسى بار بولسا، ەندى ءبىرى بۇرىن سوتتالعان.

نۇرزات توعجان