پرەزيدەنت نۇرسۇلتان نازاربايەۆ باستاعان قازاقستان الەم بويىنشا جات مەملەكەتتەردە تۇراتىن قانداستارىن شاقىرعان ەلدىڭ ءبىرى. قالعان ەكەۋى گەرمەنيا مەن يزرايل.
وسى شاقىرۋ بويىنشا وتكەن 22 جىلدىڭ ىشىندە شەتەلدە تۇراتىن قازاقتاردىڭ 1 ميلليونعا تارتا بولىگى ات باسىن اتاجۇرتقا بۇرىپ، قازاقستانعا قونىس اۋداردى. مىنەكي، وسى اتاجۇرتقا اعىلا كوشكەن ەلگە قازاقستان رەسپۋبليكاسىنىڭ ازاماتتىعىن الۋ ءۇشىن 5 جىل كۇتۋ كەرەك دەگەن زاڭ كەدەرگى بولايىن دەپ تۇر. ال ءبىز ۇلى كوش توقتاماۋى كەرەك دەپ ويلايمىز.
سوندىقتان بۇل "كوشى-قون تۋرالى" زاڭدى ەل تىزگىنىن ۇستاعان ازاماتتار قايتا قاراپ شىعار، ەلباسىمىز بۇل زاڭعا ۆەتو قويار دەپ سەنەمىز.
ال قازاق دياسپوراسىنىڭ وكىلدەرى دە تۇراتىن گەرمانيا ەلىنە جات جەرلەردەن قونىس اۋدارعان ازاماتتار ەتنيكالىق نەمىس بولىپ تابىلسا ولارعا گەرمانيا ازاماتتىعى دەرەۋ بەرىلەدى. بۇل زاڭ جۇزىندە بەكىتىلگەن. بولاشاقتا گەرمانيا تاجىريبەسى ىسكە اسىرىلىپ، اتاجۇرتقا اڭساپ ورالعان قانداستارعا دا دەرەۋ قازاقستان رەسپۋبليكاسىنىڭ ازاماتتىعى بەرىلىپ قۋانتاتىن شارالار قابىلدانار دەپ ۇمىتتەنەمىز.
Qurmetpen،
Ewropa Qazaq Qogamdari Federatsiyasi (FEKA)
Avstrya Qazaq Madeniyet Qogami
Berlin Qazaq Qogami (Almaniya)
Daniya Qazaq Madeniyet Qogami
Fransiya Qazaq Madeniyet Qogami (AKFT)
Hollandiya Qazaqtari Qori
Koln Qazaq Madeniyet Ortaligi (Almaniya)
Myunhen Qazaq Madeniyet Qogami (Almaniya)
Norvegiya Qazaq Madeniyet Qogami
Shvetziya Qazaq Madeniyet Qogami
Ulibritaniya Qazaq Qogami
