الماتى قالاسى بويىنشا تاۋارلار مەن قىزمەتتەردىڭ ساپاسىمەن قاۋىپسىزدىگىن باقىلاۋ دەپارتامەنتىنىڭ باس مامانى گۇلنار ماديماروۆا وڭىرلىك كوممۋنيكاسيالار قىزمەتىنە بەرگەن سۇحباتىندا قالا تۇرعىندارىنا اشىق دالادا جانە فيتنەس ورتالىقتاردا جاتتىعۋ ۇيىمداستىرۋ مەن وتكىزۋدە ەنگىزىلگەن جەڭىلدەتۋ شارالارىن ەسكەرە وتىرىپ، ءبىرقاتار ۇسىنىستار مەن كەڭەستەر بەردى.

الماتى قالاسىنىڭ باس مەملەكەتتىك سانيتار دارىگەرىنىڭ 15.08.2020 «شەكتەۋ شارالارىن كەزەڭ-كەزەڭمەن جەڭىلدەتۋ تۋرالى» №56 قاۋلىسىنا سايكەس سپورتپەن كەلەسىدەي: اشىق اسپان استىنداعى جەكە جانە 5 ادامنان اسپايتىن توپتىق جاتتىعۋلار تارتىبىندە شۇعىلدانۋعا بولاتىنىن ەسكەرتەمىز.

«اشىق اسپان اياسىندا سپورتپەن شۇعىلدانۋ كەزىندە كوروناۆيرۋس ينفەكسياسىن جۇقتىرماۋ ماقساتىندا جاتتىعۋشىلار اراسىندا كەمىندە 2 مەتر الەۋمەتتىك قاشىقتىق ساقتالۋى قاجەت. جاتتىعۋ كەزىندە بايلانىس جاساۋدان اۋلاق بولۋ كەرەك، سپورتتىق جابدىقتاردى (كىلەمشەلەردى) پايدالانعاننان كەيىن جۋىپ، دەزينفەكسيالاۋ كەرەك»، — دەپ كەڭەس بەردى گۇلنار ماديماروۆا.

سونىمەن بىرگە، ول دەنساۋلىقتى نىعايتىپ، يممۋنيتەتتى كۇشەيتۋ ءۇشىن دۇرىس تاماقتانىپ، ۇيقى دا قانىق بولۋى كەرەك ەكەنىن، سونىمەن بىرگە مىندەتتى تۇردە قولدى تازا ۇستاۋ قاجەتتىگىن ايتتى. جاتتىعۋ اياقتالعاننان كەيىن ماسكا تاعۋ كەرەك.

سونداي-اق، مامان فيتنەس-ورتالىقتاردىڭ جۇمىسى قالاي جۇزەگە اسىرىلاتىنىن ءتۇسىندىردى. الماتى قالاسىنىڭ باس مەملەكەتتىك سانيتار دارىگەرىنىڭ قاۋلىسىنا سايكەس، سپورتتىق-ساۋىقتىرۋ ورتالىقتارى (باسسەيندەرسىز) infokazakhstan.kz پورتالى ارقىلى نىساننىڭ دايىندىعى تۋرالى حابارلاما بەرىپ، كوميسسيانىڭ وڭ قورىتىندىسىن العاننان كەيىن ءوز قىزمەتتەرىن قالپىنا كەلتىرە الادى.

«فيتنەس ورتالىقتار كەلۋشىلەردىڭ نىساندارعا كەلۋشىلەردى تولتىرۋ بويىنشا تالاپتاردى قامتاماسىز ەتۋدە 1 كەلۋشى ادامعا 5 ش. م ورىن بولۋى ءتيىس. بۇل دەگەنىمىز ورتالىققا كەلۋشىلەردى قابىلداۋ 50%-ىنان اسپايدى. ورتالىق جۇمىسىن الدىن الا جازىلۋ بويىنشا ۇيىمداستىرۋ كەرەك. سپورت جابدىقتارىن، ترەناجەرلەردى كەمىندە 2 م قاشىقتىقتا ورنالاستىرۋ شارت. توپتىق ساباقتار كەزىندە بەلگىلەر قويۋ ارقىلى وقۋشىلار اراسىنداعى الەۋمەتتىك قاشىقتىقتى ساقتاۋدى قامتاماسىز ەتىڭىزدەر. جالپى العاندا، جاتتىعۋ كەزىندە سپورتشىلار اراسىنداعى ءوزارا قارىم-قاتىناستى ازايتۋ. باكتەريسيدتى شامدار مەن اۋا رەسيركۋلياتورلارىن قولدانۋ كەرەك»، — دەدى گۇلنار ماديماروۆا.

سونداي-اق، ول كەلۋشىلەرگە كوروناۆيرۋس ينفەكسياسىن جۇقتىرۋدىڭ الدىن الۋ ماقساتىندا، ءار 2 ساعات سايىن وقۋ-جاتتىعۋ پروسەسى وتكىزىلەتىن جۇمىس ورىندارى مەن عيماراتتى جەلدەتۋ قاجەت ەكەنىن اتاپ ءوتتى. عيماراتتىڭ اۋدانىنا بايلانىستى قىزمەتكەرلەردىڭ كليەنتتەرمەن تىكەلەي بايلانىسىن بارىنشا ازايتۋ، سپورت ساباقتارىن وتكىزۋدى قوسپاعاندا، كەلۋشىلەردىڭ ماسكا تاعىپ ءجۇرۋىن قامتاماسىز ەتۋ كەرەك.

وندىرىستىك جانە تۇرمىستىق عيماراتتارعا ءار 3 ساعات سايىن ىلعالدى سانيتاريالىق تازالاۋ جۇمىستارىن جۇرگىزۋ مىندەتتەلەدى. اتاپ ايتقاندا، ەسىكتىڭ تۇتقالارى، سوندىرگىشتەردى، سۇيەنىشتەردى، سپورتتىق جابدىقتاردى، ۇستەلدەردى، ورىندىقتاردى، جالپى پايدالانۋ ورىندارىن: كيىم ىلەتىن ورىنداردى، تاماقتانۋ، دەمالىس بولمەلەرىن، سانيتارلىق بولمەلەردى دەزينفەكسيالاۋ كەرەك.