وڭىرلىك كوممۋنيكاسيالار قىزمەتى الاڭىنداعى ونلاين-سۇحبات بارىسىندا «جاس قانات» باستاپقى مەديسينالىق-سانيتارلىق كومەك ورتالىعىنىڭ جالپى تاجىريبەلىك ەمدەۋ دارىگەرى مەرۋەرت كوشەنوۆا، قالا تۇرعىندارىن ءوزىن-وزى ەمدەۋمەن اينالىسپاۋعا جانە تىركەلگەن جەرى بويىنشا ەمحاناعا دەر كەزىندە حابارلاسۋعا شاقىردى.

«ءوز بەتىمەن ەمدەلۋگە بولمايدى. تىركەۋ ورنى بويىنشا ەمحاناعا دەنە قىزۋى، كەۋدە قۋىسىنىڭ اۋىرىۋى، جوتەل جانە ت. ب. سياقتى بەلگىلەر پايدا بولعان كەزدە دەرەۋ مەديسينالىق كومەككە جۇگىنىڭىز. سيمپتومداردى ەلەمەي جۇرمەڭىز. ەگەر ءسىز ديسپانسەرلىك ەسەپتە تۇرساڭىز، ەمدەۋشى دارىگەردىڭ تاعايىنداۋلارىن قابىلداڭىز»، — دەپ شاقىردى مەرۋەرت كوشەنوۆا.

مەرۋەرت كوشەنوۆانىڭ ايتۋىنشا، ەپيدەميا باستالعاننان بەرى «جاس قانات» ەمحاناسىندا سيپمتومى بىلىنبەي كۆي-مەن اۋىرعان 145 ناۋقاس، ال جەڭىل تۇرىمەن اۋىرعان 98 ناۋقاس باقىلاۋدا بولدى. شامامەن 80ء-ى اۋرۋحاناعا جاتقىزىلدى. مەديسينالىق كومەككە ۋاقتىلى جۇگىنۋدىڭ ارقاسىندا، كوروناۆيرۋس ينفەكسياسى بار 243 ناۋقاس امبۋلاتوريادا ەمدەلىپ، جازىلىپ شىقتى.

«ءبىزدىڭ ەمحانادا اۋرۋ جۇقتىرۋ ءورشىپ تۇرعان كەزدە، ءبىر اي ىشىندە (15 ماۋسىمنان 15 شىلدەگە دەيىن) ۆيرۋستىق ەتيولوگيا پنيەۆمونيادان 114 ادام ەمدەلدى. وسى كەزەڭدە ءبىزدىڭ مەديسينا قىزمەتكەرلەرىمىزدىڭ باقىلاۋىندا 2000-عا جۋىق تىركەلگەن حالىق باقىلاۋدا بولدى. ونىڭ ىشىندە ناۋقاس وتباسىلارىمەن بايلانىستا بولعاندار دا بار»، — دەپ قورىتىندىلادى دارىگەر.

قورىتىندىلاي كەلە، مامان كوروناۆيرۋس ينفەكسياسىنىڭ الدىن الۋ بويىنشا ءبىرقاتار ۇسىنىستار بەردى:
- ناۋقاستاردان اۋلاق بولۋ؛ ۇيدە مۇمكىندىگىنشە ۇزاق بولۋ؛
- مۇمكىندىگىنشە باسقا ادامداردان ەكى مەتر قاشىقتىقتا بولىڭىز؛
- قولىڭىزدى جىلى سۋمەن جانە سابىنمەن كەمىندە 20 سەكۋند مۇقيات جۋىڭىز؛
- جوتەلۋ نەمەسە تۇشكىرۋ كەزىندە اۋىزدى نەمەسە مۇرىندى مايلىقپەن جابۋ نەمەسە شىنتاقتىڭ ىشكى جاعىن پايدالانۋ؛
- كوز، مۇرىن جانە اۋىز قۋىسىنا قول تيگىزە بەرمەۋ؛
- ۆيرۋستى جويۋ ءۇشىن جيھاز بەتتەرىن، ەسىك تۇتقالارىن دەزينفەكسيالىق قۇرالمەن ءجيى تازالاڭىز؛
- جەدەل رەسپيراتورلىق ۆيرۋستىق ينفەكسيا سيمپتومدارى پايدا بولعاندا وزدىگىنەن وقشاۋلانۋعا؛
- دەنساۋلىقتى ساقتاۋ ءۇشىن فيزيكالىق تۇرعىدان بەلسەندى بولىڭىز؛
- سالاۋاتتى ءومىر سالتىن ۇستانۋ، ۋاقىتىلى ۇيىقتاۋ جانە فيزيكالىق بەلسەندىلىكتى ساقتاۋ.