بۋىلعانمەن بايلاردىڭ بەلى بەكەم،
كەسىر قوعام دەپ جاتىر كەرى كەتەم.
93 تە تۋعان سوڭ ايتۋشى ەدى،
تەڭگەنىڭ قۇرداسى دەپ مەنى كوكەم.
قۇرداسىمدى تىلىمە تيەك ەتسەم،
وتكەن كۇندى كوزىممەن شولىپ وتەم.
1 تەڭگە مەن 1000 تەڭگە ءال-فارابي،
3 تەڭگە ءسۇيىنبايداي سەرىڭ ەكەن.
5 تەڭگە كۇي اتاسى قۇرمانعازى،
10 تەڭگەدە شوقانداي ەرىڭ ەكەن.
ابايدىڭ سۋرەتى بار 20 تەڭگە،
بۇل كۇنى جاي جىلتىراق تەمىر ەكەن.
50 تەڭگە ايگىلى ءابىلقايىر،
100 تەڭگە حان ابىلاي بەگىڭ ەكەن.
بۇل كەزدەگى باعامەن سالىستىرساڭ،
ول كەزدە زاتتىڭ ءبارى تەگىن ەكەن.
ۇلتتىق بانكى شىعارعان اقشامىزدىڭ،
باعاسى نەگە مۇنشا كەمىدى ەكەن.
باياعى بابالاردىڭ بەينەلەرى،
بىلمەدىم ءسىرا نەدەن جەرىدى ەكەن.
سۋرەتتەرى تەڭگەدەن كورىنبەسە،
ۇرپاقتى ويلاپ ۋايىم جەدى مە ەكەن.
ەۆرو مەن دوللارعا مازاق بولماي،
كوردە تىنىش جاتايىن دەدى مە ەكەن...

مەيىربەك سۇلتانحان ،Facebook پاراقشاسىنان

"قامشى" سىلتەيدى