بۇل تۋرالى ەلباسى اقوردادا وتكەن قازاقستاندىق كاسىپكەرلەرمەن كەزدەسۋى بارىسىندا مالىمدەدى.
نۇرسۇلتان نازاربايەۆ تەڭگەنىڭ قۇنسىزدانۋى مەن ەكونوميكالىق ساياساتتا ەنگىزىلگەن جاڭا جۇيەگە قاتىستى نارازىلىق اكسيالارىن نەمەسە ميتينگتەر ۇيىمداستىرىپ، ەلدىڭ تىنىشتىعىن بۇزۋعا ارەكەتتەنگەندەر قاتاڭ جازالاناتىنىن ەسكەرتكەن. بۇل تۋرالى «قامشى» پورتالى جازادى.
«ەگەر تىنىشتىقتى الاتىن «پروۆوكاتورلار» شىعاتىن بولسا، قۇقىق قورعاۋ ورگاندارى ءتيىستى تاپسىرماسىن الاتىن بولادى. وندايلاردى قاتاڭ جازالايتىن بولامىز»،-دەدى مەملەكەت باسشىسى.
سونداي-اق، «ءبىز مۇنداي قاتاڭ شارالاردى ەلدىڭ تىنىشتىعى مەن كەلەشەگى ءۇشىن قابىلداپ وترمىز»،-دەدى ەلباسى.
«قۇقىق قورعاۋ ورگاندارى سايكەسىنشە تاپسىرما الدى، قاتاڭ تىيۋ كەرەك. ءقازىر قيىن ءسات جانە بانكتەردى بوپسالاپ، كوشەلەردە ۇرانداتاتىن ادامدار بولۋى مۇمكىن. مۇنداي ادامداردى تىياتىندىعىمىزدى مالىمدەيمىن. رەنجيتىن بولماسىن. مۇنىڭ بارلىعى جاقسى ومىردەن نەمەسە بىزدەردىڭ احۋالدى ناشارلاتۋىمىز ءۇشىن جاسالىپ وتىرعان جوق. ءبىز مۇنى سانالى تۇردە جانە ءبىزدىڭ ازاماتتارىمىزدىڭ ءال-اۋقاتى ءۇشىن جاساۋدامىز»، – دەدى ەلباسى.
نۇرزات توعجان
پىكىر قالدىرۋ