شىبىنسىز وتكەن جاز*دەمەكشى، تىنىشسىز وتكەن جازدى وتكەردىك ءا بيىل. ءبىزدىڭ بيلىك حالىقتى قورقىتۋدى اشىق تۇردە ايتاتىن بولىپتى. جازالايمىز دەگەن ءسوزدى كۇمىلجىمەي ايتىپ جاتىر عوي. جازالاسىن. بۇدان ارتىق قانداي جازا بار؟ ءبىر كۇننىڭ ىشىندە 40 پايىز نەسىبەمىزدەن قاعىلساق تا قىڭق ەتپەيتىن قازاقپىز عوي. سودان سوڭ، *دوللاردىڭ قىمباتتاعىنا مەنىڭ قىلشىعىم قيسايمايدى* دەپ ايتپاڭىزدارشى. *مەندە دوللار جوق* دەپ جازىپ جاتىر. بىرىنشىدەن، دوللار قىمباتتاعان جوق، تەڭگە قۇنسىزداندى. دوللارعا اينالىپ، شەتەل اسىپ كەتكەن شۆەيساريا بانكىندەگى نەسىبەنىڭ بارلىعى سىزدەردىكى عوي. اينالىمدا جۇرگەن قۇنسىز تەڭگەلەر دە ءسىزدىڭ نەسىبەڭىز عوي. دەمەك ەرتەڭ جالاقى الاردا ول ۇنجىرعاسىن تۇسىرگەن قالپىندا تۇككە دارمەنى جەتپەي سۇمىرەيىپ الدىڭىزعا كەلەدى دەگەن ءسوز. سوندا اۋزىڭىزدان جىرىپ الىنىپ جاتقان نەسىبەگە قالاي قىلشىعىڭىز قيسايمايدى؟ بايشىكەشتەر مەن بيشىكەشتەردىڭ ەسەبى تۇگەل. ولار شامالارى جەتكەن جەرگە دەيىن ۇلتتىق قازىنادان اقشا ءبولىپ،تەڭگەنى قۇسىزداندىرماي ۇستاپ تۇردى. ءوز ەسەپتەرى تۇگەلدەنىپ بولعان سوڭ، "اشىق ءدالىز" بۇيدانى بوساتا سالدى. ەندى ءبىزدىڭ دارمەنسىز قالپىمىزعا، باس كوتەرە المايتىن ەنجرلىعىمىزعا ميىعىنان كۇلىپ وتىرعان شىعار.

اينۇر تولەۋ