جۋرناليست توقتار جاقاش Facebook پاراقشاسىندا شەتەلگە زاڭسىز قارۋ ساتىپ ۇستالدى دەلىنگەن ادامنىڭ ۆيدەوسىن جاريالاپ، جازبا قالدىردى.
"سۇمدىق! سۇمدىق! سۇمدىق!
بەكبولات تىلەۋحان سيرياعا قارۋ ساتىپ ءجۇر مە؟ مىنا ۆيدەودا قارۋ ساۋداسىنا شاتىلعان جىگىت قۇزىرلى ورىنداردىڭ قولىنا ءتۇسىپ، ءبىراز قۇپيانىڭ بەتىن اشتى!
رەسەي اسكەري بولىمشەسىنەن ساتىپ العان قارۋ-جاراق مۇمكىن، سيرياعا كەتىپ جاتقان شىعار؟ دەپۋتاتىمىز وسىنداي بولسا، بولاشاعىمىز ءتىپتى قورقىنىشتى ەكەن! ەگەر، مەنىڭ وتباسىما، بالا-شاعاما، تۋعان-تۋىستارىما قاستاندىق جاسالسا، وعان تەك وسى ۆيدەو عانا سەبەپ بولۋى مۇمكىن!
بۇل ءىس پرەزيدەنتتىڭ نازارىنا الىنۋى ءتيىس. ۇلتتىق قاۋىپسىزدىك قىزمەتى، قورعانىس مينيسترلىگى، شەكارا قىزمەتى، پارلامەنت سپيكەرى جانە باسقا دا قۇزىرلى ورىنداردىڭ وسى ماسەلە بويىنشا جاۋاپ بەرۋىن تالاپ ەتەمىن!" جۋرناليست جازباسىندا.
جۋرناليست جاريالاعان ۆيدەودان الدەكىمدەردىڭ كولىكتە بەلگىسىز ەر ازاماتقا سۇراق قويىپ وتىرعانىن كورۋگە بولادى. جاۋاپ بەرۋشى ءوزىنىڭ اسكەري تەحنيكالاردى ساتاتىنىن ايتقان.
"قاراشادا ۇلتتىق قاۋىپسىزدىك كوميتەتىندە ىستەيتىن ەرقانات قۇساينوۆ دەگەن اداممەن بىرگەن ءبىر ءىس باستادىق. ول استانادا دەپارتامەنتتە ىستەيدى. ءبارىمىز اقشا سالىپ، اسكەري تەحنيكا جابدىقتارىن الىپ شىقتىڭ ەلدەن الىپ شىعىپ، ساتتىق" دەپ باستالاتىن اڭگىمە اراسىندا ءماجىلىس دەپۋتاتى بەكبولات تىلەۋحاننىڭ دا اتى اتالدى.
