وقو-دا الكوگولدى ىشىمدىككە سىلقيا تويىپ العان كىسىلەر ايەل ادامدى قىزىنىڭ كوزىنشە زورلاپ ولتىرگەن.  بۇل تۋرالى «قامشى» پورتالى  Otyrar.kz-كە سىلتەمە جاساي وتىرىپ حابارلايدى. جانتۇرشىگەرلىك جاعداي 2014 جىلدىڭ مامىرىندا بولعان.

وقو-نىڭ ماقتاارال اۋدانىندا قاتتى ماسايعان 4 جىگىت ايەلدىڭ ۇيىنە باسا كوكتەپ كىرەدى.  ايەلدىڭ كۇيەۋى بۇل كەزدە وزگە قالاعا اقشا تابۋعا كەتكەن. وسى جاعدايدى پايدالانعان ەر كىسىلەر ونى كۇشتەپ اۋلاعا شىعارادى. سول جەردە تەپكىنىڭ استىنا الىپ، زورلاپ، كەيىن كيىم ىلەتىن جىپپەن بۋىندىرىپ ولتىرەدى.

قىلمىستىڭ ءىزىن جاسىرۋ ءۇشىن ەر كىسىلەر ايەلدىڭ دەنەسىن اۋلاسىنداعى دۋش كابيناسىنا وزىنە قول سالعانداي ەتىپ كورسەتىپ، ءىلىپ كەتەدى.

قىلمىس جاساعان ءتورت ازاماتتىڭ ۇشەۋى سوت الدىندا جاۋاپقا تارتىلىپ، 17 جىلعا باس بوستاندىعىنان ايىرىلدى.

«ءىس بويىنشا كوپتەگەن كۋاگەرلەردەن تۇسىنىكتەمە الىندى. الايدا باستى كۋاگەر زارداپ شەگۋشىنىڭ 9 جاستاعى قىزى بولدى. قىلمىس ۋاقىتىندا قىز بالا ءوزىنىڭ 4 جاسار ىنىسىمەن ۇيدە بولعان. جەتكىنشەك تەرەزەدەن اناسىن قالاي ءولتىرىپ جاتقانىن كورىپ تۇرعان. ول قىلمىسكەرلەردى تانىپ، انىقتاۋعا كومەك كورسەتتى. بەلگىلى بولعانداي ەر كىسىلەر ايەلدىڭ كورشىلەرى بولعان. ۇشەۋى دە كىنالى دەپ تانىلدى. الايدا تاعايىندالعان جازا ازىرگە زاڭدى كۇشىنە ەنبەدى»، – دەيدى شىمكەنت قالاسى قىلمىستىق سوتىنىڭ تورەشىسى داۋرەن مادالييەۆ.

30 جاستاعى ايىپتالۋشىلار ءوز كىناسىن مويىندامادى.

تەرگەۋ بولجامى بويىنشا، قىلمىسقا سوتتالعانداردان وزگە تاعى ءبىر ازامات قاتىسقان. وعان قاتىستى تەرگەۋ جۇمىستارى جۇرگىزىلىپ جاتىر.

نۇرزات توعجان