داعدارىس كەزىندە قازاقستاندىقتار اقشاسىن قالاي ۇنەمدەي الادى؟ مۇرات ابەنوۆ حالىقتى ۇنەمدەۋدى ۇيرەنۋگە شاقىردى.
جۇلدىزداردىڭ تەڭگەنىڭ قۇنسىزدانۋىنا بايلانىستى ءوزىنىڭ عالامتورداعى پاراقشالارىندا جەتكىزگەن پىكىرلەرىن نازارلارىڭىزعا ۇسىنامىز.
قاراقات ءابىلدينا
تانىمال ءانشى قاراقات ءابىلدينا جۇلدىزدار اراسىندا العاشقىلاردىڭ ءبىرى بولىپ ديەۆالۆاسياعا قاتىستى ءوز پىكىرىن جەتكىزدى.
“دوللار وسسە دە، تۇسسە دە ءار پەندە ماڭدايىنا جازىلعان نەسىبىن الادى ەكەن… پەشەنەگە جازىلعان نەسىبە كۋرسپەن ولشەنبەيتىن بولار… بارىمىزگە سابىر بەرسەن اللام..!”، – دەپ ءوز Instagram پاراقشاسىندا جازبا قالدىرعان ءانشىنىڭ ديەۆالۆاسيا ۋاقىتىندا قۋانىشتى حابارى دا بار ەكەن.
قاراقات ءابىلدينا 16 جىل بۇرىن ءدال وسى كۇنى ءقىدىرالى بولمانوۆپەن نەكەسىن قيعان ەكەن. سوندىقتان انشىلەرىمىز بۇگىندە ەلىمىزدەگى قارجىلىق قيىندىقتارعا كوڭىلدەرىن تۇسىرمەي، اتاۋلى كۇندەرىن تويلاتۋدا.
ايقىن تولەپبەرگەن
ال تاعى ءبىر تانىمال ءانشىمىز ايقىن بولسا، داعدارىسقا قاراماستان، دوسىنىڭ تۋعان كۇنىن كوڭىلدى وتكىزەتىنىن جەتكىزگەن.
“دوللار-دوللارمەن، داعدارىس-داعدارىسپەن، ال تۋعان كۇن ءوز كەستەسىمەن وتەدى”، – دەگەن جازباسىن ايقىن دوسىنا ارناپ جاريا ەتكەن.
ساكەن مايعازييەۆ
حالىق سۇيىسپەنشىلىگىنە بولەنگەن “مۋزارت” توبىنىڭ ورىنداۋشىسى ساكەن مايعازييەۆ تە داعدارىس ماسەلەسىن نازاردان تىس قالدىرماپتى.
“سارسەنبى “ساتتىلىكتەرىمەن” باستالىپ قويىپتى عوي”، – دەپ قالجىڭداعان ءانشىمىز دوللار قۇنى وسكەنى جايلى باق-تا جاريالانعان اقپاراتپەن جازباسىندا ءبولىسىپ ۇلگەرگەن.
وتاندىق جۇلدىزدار تەڭگەنىڭ تومەندەۋىنە بايلانىستى وسىلاي ءوز كوزقاراستارىن ءبىلدىردى. تەڭگەنىڭ قۇنسىزدانۋى حالىقتىڭ قالتاسىنا سالماق سالاتىندىقتان، ديەۆالۆاسيانىڭ دا حالىقتىڭ قاراجاتىمەن نان تاۋىپ جۇرگەن شوۋ بيزنەس وكىلدەرىنە دە ءوز زاردابىن تيگىزەتىنى انىق. تويبيزنەستىڭ تامىرى تارتىلسا، انشىلەرگە قيىن كۇن تۋاتىنى ءسوزسىز.
پىكىر قالدىرۋ