ەرجان باباقۇماروۆ پرەزيدەنت اتىنان مەديسينا قىزمەتكەرلەرىنە، ۆولونتەرلەر، قوعام وكىلدەرى مەن ب ا ق قىزمەتكەرلەرىنە «حالىق العىسى» مەدالىن تاپسىردى.

بۇگىن الماتىدا قازاقستان رەسپۋبليكاسىنىڭ پرەزيدەنتى ق.ك.توقايەۆتىڭ اتىنان «حالىق العىسى» مەدالىمەن قالانىڭ جانە ەلدىڭ كوروناۆيرۋس پاندەمياسىمەن كۇرەس جونىندەگى جالپى جۇمىسىنا بەلسەندى قاتىسقان مەديسينا قىزمەتكەرلەرى، ەرىكتىلەر، قوعام وكىلدەرى مەن بۇقارالىق اقپارات قۇرالدارىنىڭ وكىلدەرى ماراپاتتالدى.

«حالىق العىسى» مەدالى مەملەكەت باسشىسىنىڭ جارلىعىمەن پاندەميامەن كۇرەستە ەرەكشە كوزگە تۇسكەن ازاماتتاردى كوتەرمەلەۋ ماقساتىندا ارنايى تاعايىندالعان.
الماتىدا «حالىق العىسى» مەدالىمەن 275 ادامنىڭ ۇلەسى اتاپ ءوتىلدى، ولاردىڭ 70%-ى دەنساۋلىق ساقتاۋ جۇيەسىنىڭ قىزمەتكەرلەرى: دارىگەر-رەانيماتولوگتار، ينفەكسيونيستەر، مەدبيكەلەر، فەلدشەرلەر جانە جەدەل مەديسينالىق جاردەم جۇرگىزۋشىلەرى، دەزينفەكتورلار، سانيتاريالىق قىزمەتكەرلەر جانە ت.ب. وڭتۇستىك استانادا بارلىعى 18 مىڭنان استام مەديسينا قىزمەتكەرى جۇمىس ىستەيدى.

الماتى قالاسى اكىمىنىڭ ورىنباسارى ەرجان باباقۇماروۆ ماراپاتتاردى تابىستاي وتىرىپ، قالا جانە اكىمدىك اتىنان قايسارلىعى، كاسىبيلىگى، بەلسەندى ازاماتتىق ۇستانىمى ءۇشىن العىسىن ءبىلدىردى.

«مەملەكەت باسشىسى سىزدەردىڭ ەڭبەكتەرىڭىزدى ەرەكشە اتاپ ءوتتى، وعان دالەل وسى حالىقتىڭ ريزاشىلىعىن بىلدىرەتىن «حالىق العىسى» ماراپاتى. سىزدەردىڭ پاندەميامەن كۇرەسكە قوسقان ەڭبەكتەرىڭىز وتە زور»، - دەدى ە.باباقۇماروۆ. ول بۇدان كەيىنگى جۇمىستا دا بىرلىك پەن ىنتىماقتاستىقتىڭ ماڭىزدىلىعىن اتاپ ءوتتى.

ەرىكتىلەر، قوعام بەلسەندىلەرى مەن جۋرناليستەرگە ارناپ جەكە العىس سوزدەر ايتىلدى. پاندەميا كەزىندە قالا تۇرعىندارىنا مىڭداعان ەرىكتىلەر كومەك كورسەتتى. ولار 80 مىڭنان استام ازىق-تۇلىك جيىنتىعىن تاسىمالدادى. ەرىكتىلەر دارىگەرلەرگە باسقا ەلدەردەن كەلگەن ازاماتتاردى ورنالاستىرۋعا كومەكتەستى، ەپيدەميالىق تالاپتاردىڭ ساقتالۋىن قامتاماسىز ەتۋ ماقساتىندا قوعامدىق مونيتورينگ جۇرگىزدى، قالانىڭ الەۋمەتتىك قىزمەتتەرىنىڭ جۇمىسىنا ىقپال ەتتى، سونداي-اق تۇرعىندار اراسىندا ءتۇسىندىرۋ جۇمىستارىن جۇرگىزدى.

قالا تۇرعىندارىن پاندەميامەن جالپى كۇرەستە قابىلدانىپ جاتقان شارالار تۋرالى جەدەل حاباردار ەتۋدى قامتاماسىز ەتۋ ماقساتىندا الماتى قالاسىنىڭ اكىمدىگى ب ا ق وكىلدەرىمەن ءبىرىڭعاي چات قۇردى. ەلىمىزدىڭ جانە مەگاپوليستىڭ 100-دەن استام نەگىزگى جۋرناليستەرى تاۋلىك بويى حالىققا پاندەميانىڭ تارالۋىن بولدىرماۋ ءۇشىن قاجەتتى بارلىق ماڭىزدى شەشىمدەر مەن شارالاردى: الدىن الۋ شارالارىن ساقتاۋدىڭ ماڭىزدىلىعى مەن قاجەتتىلىگى، شەكتەۋ ءىس-شارالارىنىڭ قولدانىلۋى جانە ت. ب. جەتكىزىپ وتىرادى.

ماراپاتتاۋ ءراسىمى بارلىق سانيتارلىق-ەپيدەميالىق تالاپتاردى، ونىڭ ىشىندە الەۋمەتتىك قاشىقتىق پەن ماسكا رەجيمىن قاتاڭ ساقتاي وتىرىپ، اشىق اۋادا وتكەنىن اتاپ وتكەن ءجون.