شىمكەنت قالالىق «Nur Otan» فيليالىنىڭ كەزەكتەن تىس كونفەرەنسياسى كەزىندە ءماسليحاتتىڭ پارتيالىق ءتىزىمى ازىرلەنىپ، پارلامەنت ءماجىلىسىنىڭ پارتيالىق تىزىمىنە ۇمىتكەرلەر انىقتالدى. سونىمەن قاتار، قالالىق سايلاۋالدى باعدارلاماسى دا بەكىتىلىپ، پارتيانىڭ حح سەزىنە قاتىسۋعا دەلەگاتتار سايلاندى.

تالداۋ كورسەتكەندەي، تىزىمدەگى ايەلدەردىڭ ۇلەس سانى 3 ەسە ارتتى – 11-دەن 30% -كە دەيىن، ال 35 جاسقا دەيىنگى جاستار - 0-دەن 20% -عا دەيىن . ۇمىتكەرلەردىڭ ورتاشا جاسى 49-دان 44 جاسقا دەيىن تومەندەدى. قىزمەتتەگى دەپۋتاتتاردىڭ ىشىنەن 8 ادام عانا جاڭا تىزىمگە ەنگىزىلگەن.

تىزىمدەگىلەردىڭ كوپشىلىگى – شاعىن جانە ورتا بيزنەس وكىلدەرى – 30%، ءبىلىم سالاسى – 17%، ۇكىمەتتىك ەمەس ۇيىمدار – 12% جانە ت.ب.

كونفەرەنسيا بارىسىندا ماجىلىستەگى پارتيالىق تىزىمگە ۇمىتكەرلەر اراسىندا پىكىرسايىستار ءوتتى. 8 ۇمىتكەردىڭ ىشىنەن پارتيالىقتار «پرايمەريز» اقپاراتتىق جۇيەسى ارقىلى قالالىق وكىلدىك كۆوتاسىنا سايكەس 4 ۇمىتكەردى تاڭدادى.

پارلامەنتتىڭ تومەنگى پالاتاسىنىڭ قىزمەتتەگى دەپۋتاتى بەرىك وسپانوۆ، قالالىق ءماسليحاتتىڭ حاتشىسى عاني تاشقارايەۆ، كاسىپوداق ءتوراعاسى بەرىك بەكجانوۆ جانە مەكتەپ-ينتەرنات ديرەكتورى جادىرا تاڭاتاروۆا ەڭ كوپ داۋىس جينادى.

فيليال ءتوراعاسى، قالا اكىمى مۇرات ايتەنوۆتىڭ ايتۋىنشا، پرايمەريز كەزىندە تۇرعىنداردان تۇسكەن 685 ۇسىنىستىڭ 98% شىمكەنت قالاسىنىڭ سايلاۋالدى باعدارلاماسىندا كورىنىس تاپتى.

«حالىقتىڭ نەگىزگى ماسەلەلەرىن ەسكەرە وتىرىپ، ءبىز قالانىڭ ەكونوميكالىق جانە الەۋمەتتىك دامۋىنا قاجەتتى 10 باسىمدىقتى بەلگىلەدىك. قالا تۇرعىندارىنىڭ قولداۋىمەن باعدارلامانىڭ تولىق جۇزەگە اساتىنىنا سەنىمدىمىن»، – دەدى ول.

ەسكە سالا كەتەيىك، بۇدان بۇرىن «Nur Otan» پارتياسى ايماقتىق فيليالداردىڭ كونفەرەنسيالار كەستەسىن جاريالاعان بولاتىن، ونىڭ بارىسىندا بارلىق دەڭگەيدەگى ءماسليحاتتارعا جانە ءار وڭىردەن ءماجىلىستىڭ پارتيالىق تىزىمىنە ۇمىتكەرلەر انىقتالاتىن بولادى.

سونىمەن، 11 قاراشادا الماتى قالاسىندا، 12 قاراشادا نۇر-سۇلتان قالاسىندا، 16 قاراشادا الماتى، قاراعاندى جانە قىزىلوردا وبلىستارىندا، 17 قاراشادا اقمولا، شىعىس قازاقستان، جامبىل، باتىس قازاقستان، تۇركىستان، اتىراۋ، قوستاناي، ماڭعىستاۋ، پاۆلودار جانە سولتۇستىك قازاقستان وبلىستارىندا كونفەرەنسيا وتەدى.
قالالىق جانە وبلىستىق كونفەرەنسيالارداعى ۇمىتكەرلەر اراسىنداعى دەباتتار ەكىنشى دەڭگەيدەگى پرايمەريز شەڭبەرىندە ءوتىپ جاتقانىن اتاپ وتكەن ءجون.

پارتيالىق ىشكى ىرىكتەۋدىڭ ءبىرىنشى كەزەڭىنە 10 مىڭ كانديدات قاتىستى. ونىڭ 37% - ايەلدەر، 29% - 35 جاسقا دەيىنگى جاستار. ەگەر باستاۋىش پارتيا ۇيىمدارىنان كانديداتتاردىڭ 30%- ۇسىنىلعان بولسا، 70% ءوزىن-وزى ۇسىنعاندار. كانديداتتاردىڭ ورتاشا جاسى 43 جاستى قۇرادى. سونىمەن بىرگە 662 مىڭنان استام پارتيا مۇشەسى داۋىس بەرۋگە قاتىستى.