"Nur Otan" پارتياسى الداعى ءماجىلىس سايلاۋىن ۇسىنىلعان كانديداتتاردىڭ پارتيالىق ءتىزىمىن جاريالادى.

"كانديداتتاردىڭ جالپى تىزىمىندە پارلامەنت ءماجىلىسىنىڭ قىزمەتتەگى دەپۋتاتتارى 20%-تەن اسپايدى، مەملەكەتتىك باسقارۋ سالاسىنىڭ وكىلدەرى – 13%، ءبىلىم جانە دەنساۋلىق ساقتاۋ سالاسى – 12%، ۇكىمەتتىك ەمەس ۇيىمدار – 9% جانە ونەركاسىپ – 8%.

ءتىزىمنىڭ ۇشتەن ءبىر بولىگى ايەلدەر. كانديداتتاردىڭ ورتاشا جاسى الدىڭعى پارتيالىق تىزىممەن سالىستىرعاندا 4 جىلعا تومەندەپ، 48 جاستى قۇرادى" دەلىنگەن پارتيانىڭ facebook-تەگى جازباسىندا.

پارتيا تاراتقان حابارلامادا ءتىزىم 126 كانديداتتان تۇراتىنى، 77 كانديدات پارتياىشىلىك پرايمەريز قورىتىندىسى، ال 49 ادام ورتالىق پارتيالىق كۆوتا بويىنشا انىقتالعانى ايتىلعان.

ولاردىڭ ىشىندە قازاقستان پرەمەر-مينيسترى اسقار مامين، Nur Otan پارتياسى ءتوراعاسىنىڭ ءبىرىنشى ورىنباسارى باۋىرجان بايبەك، نۇرسۇلتان نازاربايەۆ قورىنىڭ ديرەكتورى داريعا نازاربايەۆا، ءماجىلىس ءتوراعاسى نۇرلان نىعماتۋلين، پرەزيدەنت اكىمشىلىگىنىڭ باسشىسى ەرلان قوشانوۆ، پرەزيدەنتتىڭ كومەكشىسى – پرەزيدەنت اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى تامارا دۇيسەنوۆا، ۆيسە-پرەمەر ەرالى توعجانوۆ، "سامۇرىق-قازىنا "ۇلتتىق ءال-اۋقات قورى" اق باسقارما ءتوراعاسى احمەتجان ەسىموۆ جانە باسقالار بار.