Facebook جەلىسىنىڭ باديگۇل وسپانبايەۆا ەسىمدى قولدانۋشىسى جۇڭگو ازاماتتارى دەلىنگەن بىرنەشە ادامنىڭ الماتى اۋەجايىنا كەلگەن ۆيدەوسىن جاريالادى.
كادر سىرتىندا سويلەپ تۇرعان باديگۇل وسپانباۆا ۇلتى جۇڭگو جيىرما ءۇش جۇڭگو ازاماتى قازاقستانعا جۇمىس ىستەۋ ءۇشىن شەكارادان ەش كەدەرگىسىز ءوتىپ كەلگەنىن، ال قىتايدا تۇراتىن ەتنيكالىق قازاقتار قازاقستانعا كەلە الماي وتىرعانىن ايتادى. سوزىنشە، قىتايدان كەلەتىن ەتنيكالىق قازاقتار اۋەجايدا ەكى-ۇش كۇن جۇرۋگە ءماجبىر. ۆيدەودا قازاقستانعا كىرە الماعان تۋىستارىن توسىپ ءجۇر دەپ بىرنەشە ادام كورسەتىلەدى.
بۇعان دەيىن قامشى پورتالى 6 جەلتوقساندا تاڭعا جۋىق الماتى حالىقارالىق اۋەجايىنا قونعان بىرنەشە ەتنيكالىق قازاق (جۇڭگو ازاماتى) ۆيزاسىنىڭ، پسر تەستتىڭ تەرىس ناتيجەسى بارىنا قاراماستان ەل اۋماعىنا كىرگىزىلمەي، سەبەبى تۇسىندىرىلمەستەن كەرى قايتارىلعانى حابارلاعان. ولار قىتايدان تىكەلەي اۋە رەيسى بولماعاندىقتان، بىرنەشە ەلدى باسىپ، سوڭىندا دۋباي ارقىلى قازاقستانعا جەتكەن. قامشى پورتالىنىڭ كوتەرگەن بۇل ءىس وڭ شەشىمىن تاۋىپ، قانداستارىمىز ەلگە ورالدى. ارتىنشا قامشى پورتالىنىڭ جەتەكشىسى ءبىلال قۋانىش وسىعان ۇقساس جاعدايلاردىڭ توقتاماي تۇرعانىن ايتىپ، پرەزيدەنت توقايەۆقا اشىق حات جازعان.
پىكىر قالدىرۋ