زاڭگەر ايگۇل ورىنبەك facebook-تاعى پاراقشاسىندا اناسىمەن جانجالداسىپ، قول كوتەرۋگە دەيىن بارعان ەر ادامنىڭ ۆيدەوسىن جاريالادى.
زاڭگەر وقيعا تۇركىستان قالاسىندا بولعانىن، ۆيدەوداعى ادام تەرىس اعىمدى ۇستاناتىنىن ايتادى.
"رۋحاني استانامىزدا تەرىس دىنگە كىرىپ اناسىنا، ايەلىنە قول كوتەرىپ، بالالارىن ۇرىپ سوعىپ، قورقىتىپ ناماز وقىتاتىن وتباسى ويران بولعاندار قانشا ما؟ مەنىڭ وزىمە ناقتى سوڭعى ەكى جىلدا شاعىمدانىپ كەلگەندەر سانى ون شاقتى. ايەلىن توقپاقتاپ ۇرىپ، ودان اناسىنا قول كوتەرۋ بۇل ەندى شەكتەن شىعۋ! يسلام بۇنداي زۇلىمدىققا تاربيەلەمەيدى! “تازابەكتە اداستى، ول مويىندادى، مەن دە اداسقانىمدى مويىندايمىن”، دەپ وتىر ەكەن. پروفيلاكتيكا جۇمىستارىن جۇرگىزگەن تەولوگتارعا ءوزىنىڭ ەندى تۋرا جولعا تۇسەتىنىن ايتىپتى، قالاي ويلايسىزدار تۇسەدى مە؟ تازابەكتىڭ ۋاعىزدارىن ءۇيىپ تىڭداپ، ءتالىم العان شاكىرتتەردىڭ بەينەسىن كورىڭىزدەر! اداسقان جولىڭدى تابۋ وڭاي، جارالانعان انا جۇرەگىن نە ىستەيمىز؟" دەلىنگەن زاڭگەر جازباسىندا.
