ەلدەگى ءىىم قاراستى كريمينالدىق پوليسيا دەپارتامەنتى باستىعىنىڭ ورىنباسارى قانات نۇرماعامبەتوۆ زاڭسىز ونلاين نەسيەلەر قالاي راسىمدەلەتىنىن ونلاين رەجيمدەگى بريفينگتە ايتتى.
ايتۋىنشا، ينتەرنەت الاياقتاردى انىقتاۋ ءۇشىن بيىلعى 9-11 اقپان ارالىعىندا «Anti-Fraud» وپەراسياسى وتكىزىلگەن. ناتيجەسىندە 300-دەن استام قىلمىس تىركەلىپ، بۇرىن جاسالعان 289 الاياقتىق قىلمىس اشىلعان.
الاياقتىقتىڭ كوپ تىركەلەگەن ءتۇرى – ينتەرنەت الاڭداردا تاۋار ساتۋ نەمەسە قىزمەت كورسەتۋ. سونداي–اق بانك كارتالارى مەن دەپوزيتتەردەگى قارجىنى زاڭسىز يەمدەنۋ ءۇشىن جەكە مالىمەتتەردى الۋدىڭ باسقا دا تاسىلدەرى تىركەلىپ جاتقانىن ايتتى.
–شىمكەنت قالاسىنىڭ تۇرعىنى الەۋمەتتىك جەلىلەردە تابىلعان جەكە قۇجاتتار تۋرالى حابارلاندىرۋلاردى ىزدەگەن. جەكە كۋالىك فوتوسۋرەتتەرىنەن ءتيىستى مالىمەتتەردى العاننان كەيىن، ءتۇرلى وبلىستار تۇرعىندارىنىڭ اتىنا 50-گە تارتا ونلاين نەسيە راسىمدەگەن، - دەدى ق. نۇرماعامبەتوۆ.
پىكىر قالدىرۋ