جاقىندا «N1TV»  ۆەنريا مەملەكەتتىك تەلەارناسىنىڭ وپەراتورى پەتر لاسلو بالاسىمەن قاشىپ بارا جاتقان بوسقىننىڭ اياعىنان شالىپ قۇلاتقان ۆيدەوسىن الەۋمەتتىك جەلىگە جاريالاعانى ءۇشىن قىزمەتىنەن قۋىلعان.  بۇل تۋرالى تەلەارنا باسشىلى «فەيسبۋك» الەۋمەتتىك جەلىسىندە حابارلاعان.

«ءبىزدىڭ ارىپتەسىمىز بۇگىن ءوزىن عانا ەمەس، ءبىزدى دە ماسقارالادى.  ءوزىن لايىقتى كورسەتە المادى»،-دەيدى باس رەداكتور سابولش كيشبەر.

الەۋمەتتىك جەلىگە تارالعان ۆيدەودان كوگىلدىر جەيدەدەگى وپەراتور  پوليسيادان قاشىپ بارا جاتقان بوسقىندى بالاسىمەن قوسا شالىپ قۇلاتقانى انىق كورسەتىلگەن.  ال قولىنا كىشكەنە بالاسىن كوتەرگەن ەر ازامات «بالا، بالا»،-دەپ جانۇشىرا داۋىستاۋدا.

ال الەۋمەتتىك جەلىگە تارالىپ كەتكەن تاعى ءبىر ۆيدەودا لاسلو بوسقىنداردى تەۋىپ جۇرگەنى انىقتالعان.

وقيعا ۆەنگريانىڭ وڭتۇستىگىندە ورنالاسقان رەسكە بوسقىندار لاگەرىندە بولعان.

نۇرزات توعجان