پرەزيدەنت قاسىم-جومارت توقايەۆ شەتەلدىك زاڭدى تۇلعالارعا اۋىلشارۋاشىلىعى جەرلەرىن ساتۋعا، جالعا بەرۋگە تىيىم سالۋدى تاپسىردى.
– حالقىمىز ءۇشىن جەر ماسەلەسى قاشاندا اسا ماڭىزدى. بۇل – مەملەكەتتىگىمىزدىڭ بەرىك نەگىزى جانە قاسيەتتى سيمۆولى. قازاقتىڭ جەرى شەتەلدىكتەرگە ساتىلمايدى دەپ بىرنەشە رەت ايتتىم. بۇل ماسەلەگە قاتىستى قاۋەسەتتەردى توقتاتۋ قاجەت، – دەدى ول.
پرەزيدەنت جەردى ساتۋ جانە جالعا بەرۋگە قاتىستى ناقتى شەشىم قابىلداعانىن ايتتى.
– سوندىقتان مەن مىناداي ناقتى شەشىمدەر قابىلدادىم. بىرىنشىدەن، شەتەلدىكتەرگە جانە شەتەلدىك زاڭدى تۇلعالارعا اۋىلشارۋاشىلىعى جەرلەرىن ساتۋعا، جالعا بەرۋگە زاڭ جۇزىندە ءبىرجولا تىيىم سالۋدى تاپسىرامىن. بۇل شەتەلدىكتەردىڭ ۇلەسى بار زاڭدى تۇلعالارعا دا قاتىستى.
مەن مۇنى پرەزيدەنتتىڭ زاڭ شىعارۋ باستاماسى ارقىلى جەدەل تۇردە جۇزەگە اسىرۋ قاجەت دەپ شەشتىم. پرەزيدەنت اكىمشىلىگى ءدال وسى ماسەلەگە بايلانىستى ءتيىستى زاڭ جوباسىن ازىرلەۋى كەرەك، – دەدى توقايەۆ.
پىكىر قالدىرۋ