ءۇش اكىمنىڭ ساۋنادا قويىلىم تاماشالاعانى تۋرالى  اقپاراتقا  اقمولا وبلىسىنىڭ اكىمدىگى تۇسىنىك بەردى. بۇل تۋرالى «قامشى» پورتالى  Tengrinews.kz-كە سىلتەمە جاساي وتىرىپ.

اكىمدىكتىڭ باسپا ءسوز قىزمەتىنىڭ وكىلدەرىنىڭ ايتۋىنشا، 2015 جىلدىڭ 8 قىركۇيەگىندە لەنتالاردا داۋلەت قۋانىشبايەۆ ەسىمدى ازاماتتىڭ ءوزىن قۇسايىنوۆ اتىنداعى قازاق مۋزىكالىق-درامالىق تەاتردىڭ اكتريساسىنىڭ "اعاسىمىن" دەپ تانىستىرىپ، زەرەندى اۋدانىندا قۇرامىندا 15 ادام بار تەاتر اكتەرلەرىنىڭ توبىنىڭ اقمولا، قوستاناي جانە سولتۇستىك قازاقستان وبلىستارىنىڭ اكىمدەرىنىڭ الدىندا قويىلىم قويدى دەپ مالىمدەگەنى جايلى مالىمەت تارادى.   

"كەيبىر ينتەرنەت-باسىلىمداردىڭ مالىمەتى بويىنشا، وسى ايتىلعان وقيعالار بيىل 29 تامىزدا زەرەندى اۋدانىندا بولدى دەلىنەدى. الايدا 2015 جىلدىڭ 29 تامىزىندا اقمولا، قوستاناي جانە سولتۇستىك قازاقستان وبلىسى اكىمدەرىنىڭ ءارقايسىسى وزدەرى باسشىلىق ەتەتىن وڭىرلەردە قىزمەتتىك مىندەتىن ورىنداعان"، - دەلىنگەن تارالعان باسپا ءسوز حابارلاماسىندا.

سونىمەن قاتار، حابارلامادا قوستاناي جانە سولتۇستىك قازاقستان وبلىسى اكىمدەرىنىڭ بەكىتىلگەن كەستەگە سايكەس 6 قىركۇيەكتە زەرەندى اۋدانىنىڭ تەرريتورياسىنا كىرگەنى ايتىلادى. "بارلىق قوناق ماڭىزدى شاراعا كەلگەندىكتەن ەشقانداي دا كوڭىل كوتەرۋ باعدارلاماسى قاراستىرىلمادى. سايكەسىنشە اقمولا وبلىسىنىڭ اكىمى سەرگەي كۋلاگيننىڭ قاتىسۋىمەن، داۋلەت قۋانىشبايەۆ ايتقانداي، ەشقانداي دا قويىلىمنىڭ بولۋى مۇمكىن ەمەس، سەبەبى ءوڭىر باسشىسى بۇل كۇنى ەگىستىكتەگى شارالارعا دايىندىق جۇمىسىمەن اينالىسىپ جاتقان"، - دەيدى باسپا ءسوز قىزمەتىندەگىلەر.

ءۇش ءوڭىردىڭ اكىمدەرىنىڭ بيىلعى 7 قىركۇيەكتە مەملەكەت باسشىسىنىڭ توراعالىعىمەن وبلىستىڭ زەرەندى اۋدانىنداعى بيداي القابىندا وتكەن جۇمىس جينالىسىنا قاتىسقانى حابارلانىپ وتىر. اكىمدىكتەگىلەر پرەزيدەنتتىڭ قاتىسۋىمەن بولعان بۇل شارانىڭ 7 قىركۇيەكتىڭ كۇننىڭ ءبىرىنشى جارتىسىندا بولعانىنا جانە تەلەديدارلاردان، سونىمەن قاتار ورتالىق باسپا باسىلىمدارىندا جانە ينتەرنەت باسىلىمدارىندا جاريا ەتىلگەنىنە نازار اۋدارادى.

مۇنىمەن بىرگە، قازاق مۋزىكالىق-دراما تەاترىنىڭ ديرەكتورى مارال جاقىپوۆانىڭ "ساۋناداعى قويىلىم" تۋرالى مالىمەتتى جوققا شىعارعانى جانە بۇل مالىمەتتى "جالا جابۋ" دەپ مالىمدەگەنى ايتىلادى.

اكىمدىكتىڭ باسپا ءسوز قىزمەتىنىڭ وكىلدەرى تەاتر ۇجىمىنىڭ استانادا 11-13 قىركۇيەك ارالىعىندا قازاق حاندىعىنىڭ قۇرىلعانىنا 550 جىل تولۋىنا وراي وتەتىن شاراعا كۇن سايىن دايىندىق جۇرگىزىپ جاتقانىن جانە ەشقايدا شىقپاعانىن حابارلادى. تەاتر ءوزىنىڭ ارى مەن نامىسىن قورعاۋعا نيەتتى، ونىڭ ۇجىمى تولىق قۇرامدا داۋلەت قۋانىشبايەۆقا قاتىستى شارا قولدانۋدى سۇراپ، اقمولا وبلىستىق ىشكى ىستەر دەپارتامەنتىنە ارىزدانعان. اكىمدىكتەگىلەردىڭ ايتۋىنشا، قۋانىشبايەۆ "كوپشىلىك الدىندا تەاتر ۇجىمىنىڭ ابىرويىن توكتى".  

"قىزمەتتىك تەكسەرىس كەزىندە داۋلەت قۋانىشبايەۆتىڭ تەاتردا جۇمىس ىستەيتىن اپكەسى (نەمەسە ءسىڭلىسى) تۋرالى مالىمەت راستالعان جوق. ماتەريالدار تەرگەۋ شارالارىن جۇرگىزۋ ءۇشىن قۇقىق قورعاۋ ورگاندارىنا جولداندى. قۋانىشبايەۆتىڭ ينتەرنەتتە Facebook جەلىسىندەگى جەكە پاراقشاسىندا مەملەكەتتىك جوعارى لاۋازىمدى تۇلعالارىنا قاتىستى سىني جازبالاردى جۇيەلى تۇردە جاريالاپ وتىراتىندىعىمەن تانىلعانىن اتاپ ءوتۋ كەرەك"، - دەپ حابارلادى اكىمدىكتەگىلەر. 
«قامشى» سىلتەيدى