«ەستۋشى مەملەكەت» تۇجىرىمداماسى شەڭبەرىندە مەملەكەتتىك ورگانداردى سەرۆيستىك قىزمەتتىڭ مودەلىنىڭ فورماتىنا اينالدىرۋ جالعاسۋدا.
وسىلايشا، سىبايلاس جەمقورلىققا قارسى قىزمەتتىڭ وزىق تاجىريبەسى بويىنشا الماتى قالالىق پوليسيا دەپارتامەنتىندە جانە ونىڭ بارلىق بولىمشەلەرىندە «Adaldyq alańy» ءفرونت-وفيسى اشىلدى.
كەڭسەنى پد باسشىسى قانات تايمەردەنوۆ پەن الماتى قالاسىنداعى سىبايلاس جەمقورلىققا قارسى قىزمەتتىڭ باسشىسى نىعمەدجان ساپاروۆ اشتى.
«ماقسات - سىبايلاس جەمقورلىق دەڭگەيىن تومەندەتۋ جانە حالىقتىڭ ىشكى ىستەر ورگاندارىنا دەگەن سەنىمىن ارتتىرۋ. جوبانى جۇزەگە اسىرۋعا قىزمەتتەردىڭ جانە بولىمشەلەردىڭ تاجىريبەلى قىزمەتكەرلەرى، سونداي-اق قوعام قاتىسادى. جوبالىق كەڭسەنىڭ باستى مىندەتى سىبايلاس جەمقورلىققا ىقپال ەتەتىن ۇسىنىستاردى جيناۋ، قالىپتاستىرۋ، سەبەپتەر مەن جاعدايلاردى جويۋ بويىنشا جاڭا تاسىلدەر مەن شەشىمدەردى ازىرلەۋ. ولار قوعامدىق تالقىلاۋعا شىعارىلىپ، ۇجىمدىق تۇردە قارالاتىن بولادى»، - دەپ حابارلادى، الماتى قالالىق پوليسيا دەپارتامەنتىنىڭ باستىعى قانات تايمەردەنوۆ.
سپيكەرلەردىڭ پىكىرىنشە، الماتىداعى "Adaldyq alańy" كەڭسەسىن بەلگىلى جۋرناليست ۆاسيليي شۋپەيكين باسقارادى.
جوبا تىكەلەي ازاماتتار ءۇشىن بارلىق قولايلى جاعدايلار جاسالعان جانە بارلىق سانيتارلىق - ەپيدەميولوگيالىق ستاندارتتار ساقتالعان ءپد-نىڭ فرونت-وفيسىنەن باستالادى. مۇندا بىلىكتى ماماندار تۇرعىندارعا قۇقىقتىق كەڭەس بەرەدى. ازاماتتاردىڭ مۇددەلەرى ءبىرىنشى كەزەككە قويىلادى، سونىمەن قاتار اشىقتىق پەن ايقىندىلىق، قوعامنىڭ سەنىمى جانە سىبايلاس جەمقورلىققا قارسى تۇرۋ قاعيداتتارىن ىسكە اسىرۋ.
قۇقىق قورعاۋ ورگاندارىنىڭ جاڭا جۇمىس فورماتىنا كوشۋى - بۇل قىزمەت الۋشىمەن ديالوگتىڭ اشىق نىسانى، بۇل ازاماتتاردىڭ مەملەكەتتىك بيلىك ينستيتۋتتارىنا دەگەن سەنىمىن ارتتىرۋعا جانە سىبايلاس جەمقورلىققا قارسى مادەنيەتتى قالىپتاستىرۋعا ىقپال ەتەدى. بۇل تەحنولوگيانى قولدانۋ زاماناۋي سىبايلاس جەمقورلىققا قارسى ساياساتتىڭ بارلىق تالاپتارىنا ساي كەلەدى.
«مەملەكەتتىك ورگانداردىڭ اشىقتىعى مەن ايقىندىعى ءبىزدىڭ جۇمىسىمىزدىڭ باستى باسىمدىقتارى بولىپ تابىلادى. ءبىز بارلىق مەملەكەتتىك ورگانداردا «ادالدىق الاڭىنىڭ» فرونت-وفيستەرىن اشۋدى جالعاستىرۋدامىز. مەملەكەتتىك ورگانداردىڭ مۇنداي وزگەرۋى كۇندەلىكتى سىبايلاس جەمقورلىقتى ازايتۋعا جانە ازاماتتاردىڭ وتىنىشتەرىنە جەدەل جاۋاپ بەرۋگە مۇمكىندىك بەرەدى »، - دەدى، نىعمەدجان ساپاروۆ.
پىكىر قالدىرۋ