1997 جىلعى شىلدەدەن باستاپ رف كەمەروۆ وبلىسىنىڭ باسشىسى بولىپ كەلگەن 71 جاستاعى ەتنيكالىق قازاق امان تولەيەۆ ءوزىنىڭ سايلاۋداعى رەكوردىن جاڭارتتى. بۇل تۋرالى «قامشى» پورتالى kaztimes.com سايتىنا سىلتەمە جاساي وتىرىپ حابارلايدى.

كەمەروۆو وبلىسى سايلاۋ كوميسسياسىنىڭ دەرەكتەرىنە سايكەس وتكەن جەكسەنبىدە گۋبەرناتورلىق سايلاۋدا ول 1،7 ملن داۋىس جينادى، بۇل داۋىس بەرۋگە قاتىسۋشىلاردىڭ 96،79 پايىزى. سونداي-اق وتكەن ەكى گۋبەرناتورلىق سايلاۋعا قاراعاندا ەداۋىر جوعارى.

1997 جىلى امان تولەيەۆتى سايلاۋشىلار قولداۋى 94،5 پايىزدى، 2001 جىلى 93،5 پايىزدى قۇراعان. بۇل گۋبەرناتورلىق مەرزىم ول ءۇشىن بەسىنشىسى، ءۇش رەت سايلاۋ ارقىلى، ەكى رەت پرەزيدەنتتىك تاعايىنداۋمەن بولدى. 13 قىركۇيەكتەگى سايلاۋدا ەكىنشى ورىندى 1،72%  داۋىسپەن رلدپ-دان كانديدات الەكسەي ديدەنكو الدى، ءۇشىنشىنى  0،51% داۋىسپەن  رفكپ-دان كانديدات ۆيكتور شالمانوۆ، «سپراۆەدليۆايا روسسيا»-دان كانديدات ۆلاديمير ۆولچەك 0،35%، «پاتريوتى روسسيي» ۇمىتكەرى يۋريي سكۆورسوۆ 0،3% داۋىس جينادى.

نۇرزات توعجان

 «قامشى» سىلتەيدى