قازاقپاراتتىڭ حابارلاۋىنشا، ەكونوميكالىق قىلمىس جانە سىبايلاس جەمقورلىققا قارسى كۇرەس اگەنتتىگى (قارجى پوليسياسى) ق ر اۋىل شارۋاشىلىعى ۆيسە-مينيسترى ءمۇسلىم ومىريايەۆتى ۇستاۋ فاكتىسىن ناقتىلادى.

ايتا كەتەيىك، كەشە ۆيسە-مينيستر م.ومىريايەۆتىڭ پارا العانى ءۇشىن ۇستالعانى تۋرالى اقپارات تاراعان بولاتىن. ول مەملەكەتتىك ساتىپ الۋلار بويىنشا وڭ شەشىم شىعارعانىنا 100 مىڭ دوللار كولەمىندە پارا العان دەگەن كۇدىك بار.

39 جاستاعى م.ومىريايەۆ بۇعان دەيىن «رۋسسكيە فەرمى» حالىقارالىق قورىنىڭ باس ديرەكتورى، الماتىداعى «يۋجنىي سەنتر» ج ش س قارجى ديرەكتورى، «پرەزيدەنت پەن ۇكىمەتتىڭ اكىمشىلىك عيماراتتارى ديرەكسياسى» رمكك ديرەكتورى بولعان، ال 2011 جىلدىڭ قىركۇيەك ايىنان باستاپ ق ر اۋىل شارۋاشىلىعى ۆيسە-مينيسترى قىزمەتىن اتقارعان.