قازاقستان-قىتاي شەكاراسىندا «باقتى-پوكيتۋ» وتكىزۋ پۋنكتتەرىندە رەسمي تۇردە اۋىل شارۋاشىلىعى ءونىمىن جىلدامداتىپ وتكىزەتىن «جاسىل ءدالىز» ىسكە قوسىلدى.

«جاسىل ءدالىزدىڭ» اشىلۋ سالتاناتىنا ق ر قارجى مينيسترلىگى كەدەندىك باقىلاۋ كوميتەتى ءتوراعاسىنىڭ ورىنباسارى يگور تەن مەن شىعىس قازاقستان وبلىسى اكىمىنىڭ ورىنباسارى نۇرىمبەت ساقتاعانوۆ قاتىستى.

بۇگىن ءبىز اشقان «جاسىل ءدالىز» - العا قويىلعان مىندەتتەرگە قول جەتكىزۋدەگى ماڭىزدى قادامداردىڭ ءبىرى. ول كوكونىستەر مەن جەمىستەردى جەدەلدەتىپ وتكىزۋگە ارنالعان. وسىنداي ماقساتپەن «باقتى» كەدەندىك بەكەتىندە قايتا قۇرۋ جۇرگىزىلىپ، جەكە جولاق ءبولىندى.

وبلىستىق اكىمدىكتىڭ اقپاراتى بويىنشا، شقو مەن قحر شۇاا اراسىنداعى تاۋار اينالىمى 560 ملن. دوللاردى قۇراعان، ونىڭ 380 ملن. دوللارى ەكسپورتتالادى جانە 180 ملن. دوللارى يمپورتتالادى.

قىتايدىڭ باس كەزەندىك باسقارماسىنىڭ ءتوراعاسى حۋان شەنسيان «پوكيتۋ»- «باقتى» وتكىزۋ پۋنكتەرىندەگى «جاسىل ءدالىز» قىتايدىڭ ىرگەلەس ەلدەرمەن بىرلەسە اشقان العاشقى ءدالىزى ەكەندىگىن حابارلادى.

شۇاا ۇكىمەتىنىڭ وكىلى قازاقستان-قىتاي شەكاراسىندا 5 وتكىزۋ بەكەتىنىڭ بار ەكەنىن حابارلادى. «قازاقستان مەن جۇڭگو شەكاراسىندا ت»اجىريبە جۇزىندە اشىلعان «جاسىل ءدالىزدىڭ» سىرتقى ساياساتتا ماڭىزى زور جانە ەكى ەل اراسىنداعى ىنتىماقتاستىقتا ۇلگى بولا الادى»، - دەپ اتاپ ءوتتى شي داگان.

ەسكە اسال كەتەيىك، ەكى ەلدىڭ اۋىل شارۋاشىلىعى ونىمدەرىن كەدەندىك باقىلاۋدان تەز وتكىزۋ بويىنشا «جاسىل ءدالىز» قۇرۋ جونىندە كەلىسىمگە قحر ءتوراعاسى سي ءسزينپيننىڭ قىركۇيەك ايىندا قر-عا جاساعان ساپارى بارىسىندا قول جەتتى.

«باقتى» باقىلاۋ بەكەتى شقو-نىڭ ءۇرجار اۋدانىندا وبلىس ورتالىعى وسكەمەننەن 600 شاقىرىم جەردە ورنالاسقان.

قازاقستان-قىتاي شەكاراسىندا «جاسىل ءدالىز» سالتاناتتى تۇردە اشىلۋى تاجىريبە جۇزىندە، مۇنداي رەجيمدە ول ءبىر اي كولەمىندە ىستەيتىن بولادى.

 دەرەككوز: قازاقپارات