ال ءقىدىرالى بولمانوۆ «استانا» ارناسى تىلشىسىنە بەرگەن سۇحباتىندا، قازىلار القاسى دۇرىس ىرىكتەلمەگەن دەپ مالىمدەمە جاسادى. ونىڭ ايتۋىنشا، قازىلار قۇرامىندا بۇل سالانىڭ بارلىق جانرىن تۇسىنەتىن جان از بولعان. وسىنىڭ سالدارىنان كەي انشىلەر تىم تومەن باعا الدى، دەيدى.

- 24 ادام قازىلار القاسىندا وتىرعان، ولاردىڭ كوبىسى ماماندار ەمەس. ولار شوۋ-بيزنەستى يگەرمەگەن ادامدار. شوۋ-بيزنەستىڭ تۇنىپ تۇرعان تەحنولوگياسىن نازارىنا الا قويمايتىن ادامدار دەپ ەسەپتەيمىن. بىرىنشىدەن، وتە اسىعىس ۋاقىتتا بولدى. وتە تىعىز ۋاقىتتا. دەگەنمەن، ەڭ باستىسى بولدى. ەڭ باستىسى باستالدى.

ەسكە سالامىز، تۇركى الەمىنىڭ باسىن قوسقان شارا تۇركيانىڭ ەسكيشەحير قالاسىندا ءوتتى. بايقاۋدا ءازىربايجاندىق ءانشى فاريد گاسانوۆ جەڭىمپاز اتاندى. ال قازاقستان اتىنان بارعان «رينگو» توبى ويلاماعان جەردەن توعىزىنشى ورىنعا ءتۇسىپ قالدى. ءان مەن انشىلەردى باعالاۋ بويىنشا وسى توپتىڭ پروديۋسەرى الۋا قوناروۆانىڭ دا ايتارى بارعا ۇقسايدى. قوناروۆا تۆيتتەردەگى شاعىن بلوگىندا «بۇل قازىلار القاسىنىڭ شەشىمى. تولىعىراق، ەلگە كەلگەن سوڭ بولاتىن باسپا ءسوز ءماسليحاتىندا ەستيسىزدەر» دەپ جازدى. سوعان قاراعاندا «Turkvizyon 2013» اياقتالعانىمەن، داۋى باستاۋ الاتىن ءتۇرى بار.