مال قىرىلىپ جاتقان وڭىرلەرگە ءشوپ جەتكىزىپ، كومەكتەسۋگە ۇندەپ تانىمال بولعان قۇرمەت تالاپقازىنىڭ دوسى دەلىنگەن سۇندەت مۇرابەك ۇلى سەيىتوۆ دەگەن Facebook جەلىسىنىڭ قولدانۋشىسى قۇرمەتتىڭ وزىنە كومەك كەرەك ەكەنى تۋرالى جازدى.
"قۇرمەتكە قۇرمەت كورسەتۋ كەرەك بۇل جىگىت – مەنىڭ دوسىم. بىرنەشە جىلدان بەرى جاقسى ارالاسامىز. وزىمدە تالاي قوناق بولدى. ءبىراق، سودان ءبىر جىلداي ۋاقىت كورىسپەي كەتتىك. ەندى مىنە، مەنىڭ ءوزىم ونى ينتەرنەتتەن كورىپ، تاڭدانىپ وتىرمىن. ءقايبىر جىلى قۇرمەت اياعى سىنىپ، اۋرۋحاناعا ءتۇسىپ قالعان بولاتىن. سودان ارداق ورىنبەك دوسىم ەكەۋمىز شۇعىل ءتۇن ورتاسى روششاعا بارىپ، ونىڭ جايىن بىلدىك. بۇل – بىزدەن ءبىر ەستەلىك. ول قىتايدان اتامەكەنىنە كەلىپ، وسى شىم قالانى پانالادى. دايىندىق كۋرسىندا وقىپ، م. اۋەزوۆ اتىنداعى وقۋ-دىڭ ستۋدەنتى اتاندى. كەيىننەن ورىس ءتىلىن بىلمەگەنى ءۇشىن ءھام وتباسىلىق جاعدايدىڭ سالدارىنان وقۋدان شىعىپ كەتكەنىن ەستىدىم. بۇگىن بۇل جايلى ايتۋدىڭ ءساتى ءتۇسىپ وتىر. قۇرمەتكە قۇرمەت كورسەتۋىمىز كەرەك. الدىمەن ءوز ماماندىعىنىڭ يەسى ەكەنىن دالەلدەيتىن كۋالىگىن (ديپلوم) اپەرىپ، سوسىن وعان شىمكەنتتە تۇرۋعا جاعداي جاساۋىمىز كەرەك. وقۋ-دىڭ رەكتورى داريا كوجامجاروۆا اپايىمىز شاكىرتىنىڭ وقۋ جاعدايىن قالىپقا كەلتىرەرىنە سەنىمدىمىن. اپايىم بۇعان بەيجاي قارا المايتىنىنا ەش كۇمانىم جوق. قۇرمەتكە قۇرمەت كورسەتۋىمىز كەرەك!" دەپ جازدى سۇندەت سەيىتوۆ.
پىكىر قالدىرۋ