قازعارىش دەلەگاسياسى نيدەرلاندى عارىش كەڭسەسىنىڭ شاقىرۋى بويىنشا، سونداي-اق نيدەرلاندى كورولدىگىندەگى قازاقستان رەسپۋبليكاسى ەلشىلىگىنىڭ قولداۋىمەن عارىش سالاسىنداعى ءبىرقاتار شاعىن جانە ورتا كاسىپورىندارعا بارىپ قايتتى. قازعارىش ءتوراعاسىنىڭ ورىنباسارى م.مولدابەكوۆ باستاعان دەلەگاسياسىنىڭ قۇرامىنا ق ر ۇعا، «قازاقستان عارىش ساپارى» ۇك» اق مەن «ۇلتتىق عارىشتىق زەرتتەۋلەر مەن تەحنولوگيالار ورتالىعى» اق-نىڭ وكىلدەرى ەندى. بۇل تۋرالى Baq.kz ءتىلشىسى حابارلايدى.

دەلەگاسيانىڭ جۇمىس كەستەسى اسا تىعىز بولدى. ءۇش كۇننىڭ ىشىندە قازعارىش وكىلدەرى ISIS، Dutch Space، Cosine Research، SSBV جانە Bradford Engineering قوسا العاندا 8 نيدەرلاندىق كاسىپورىندى كورىپ قايتتى. جۇمىس ساپارى باعدارلاماسىنىڭ جوعارى قارقىنىنا قاراماستان كومپانيالارمەن پوتەنسيالدى ىنتىماقتاستىق باعىتتارى بويىنشا رەسمي ەمەس كەلىسىمدەرگە قول جەتكىزىلدى. نيدەرلاندى كورولدىگىنىڭ كاسىپورىندارى قازاقستاندىق مامانداردى عىلىمي زەرتتەمەلەر، جوبالاۋ جۇمىستارى مەن كوممەرسيالىق ونەركاسىپتىك ونىمدەردى شىعارۋ اياسىندا قۇراستىرىلاتىن ءوز ونىمدەرىمەن تانىستىردى. عىلىمي اقپاراتپەن الماسۋ، قازاقستاندىق مامانداردىڭ تاجىريبەلىك ستاجيروۆكادان ءوتۋ، سالىنىپ جاتقان قۇراستىرۋ-سىناۋ كەشەنىندە جاساۋعا جوسپارلاناتىن قازاقستاندىق عارىش اپپاراتتارى ءۇشىن قۇرامداس بولشەكتەردى دەلدالسىز جىبەرۋ جونىندە كەلىسىمدەر جاسالدى. قازاقستاندىق ماماندار ەرەكشە يننوۆاسيالىق اتموسفەرانى، سونىمەن قاتار نيدەرلاندى كاسىپورىندارىنىڭ ىسكەرلىك جانە تەحنيكالىق اشىقتىعىن اتاپ ءوتتى.