ايتا وتەيىك، قاراشا ايىنان بەرى ارنا ەفيرىنەن كورەي مەن تۇرىك تەلەحكايالارى الىنىپ تاستالعان بولاتىن. ولاردىڭ ورنىنا ۇلتتىق ارنا وتاندىق سەريالداردى قويعان.
ءوز ءونىمىن دامىتۋعا بەل شەشە كىرىسكەن "قازاقستان" ارناcى ونداعان نوميناسيا بويىنشا ۇزدىك تەلەحيكايالاردى انىقتاپ، ولاردى تۇسىرگەن شىعارماشىلىق ۇجىمداردى ماراپاتتادى. ءتىپتى، العىس حاتتاردى تابىستاۋ راسىمىنە 6 بىردەي ۆيسە-مينيستردى شاقىرعان.
مىسالى، "جەدەل جاردەم" سەريالىنىڭ كرەاتيۆتى رەجيسسەرىنە العىس حات پەن ءبىر قۇشاق گۇلدى دەنساۋلىق ساقتاۋ ۆيسە-مينيسترى ەرىك ءبايجۇنىسوۆ تابىس ەتسە، ال "وليمپ شىڭى" تەلەحيكاياسى اۆتورلارى سپورت اگەنتتىگى ءتوراعاسىنىڭ قولىنان سىيلىق الدى.
"كورەرمەندەرگە ناسيحاتتايىق دەگەن ويمەن "ەڭ ۇزدىك رەجيسسەرلىك شەشىم ءۇشىن"، "ەڭ كرەاتيۆتى وي ءۇشىن"، "ەڭ جاقسى ءبىر ىزدەنىس ءۇشىن" دەگەن نوميناسيالاردى ءوزىمىز ءبارىن ويلاستىرىپ، ۇيىمداستىرىپ، وسىلار ارقىلى شىعارماشىلىق ۇجامداردىڭ جۇمىسىن اتاپ وتەيىك دەدىك" - دەپ مالىمدەدى "قازاقستان" ترك اق باسقارما ءتورايىمى نۇرجان مۇحامەدجانوۆا.
پىكىر قالدىرۋ