مۇسىلماندىق پارىزدىڭ بەسىنشىسىن وتەۋگە مەككەگە جولعا شىققان قازاقستاندىق قاجىلار مينا جازىعىنا جەتكىزىلدى. «قاجىلىق ول-ارافات» دەپ پايعامبارىمىز مۇحاممەد س.ع.س. ءوز حاديسىندە ايتىپ وتكەندەي، ولار بۇگىن ارافات تاۋىنا شىعادى.
"بيىلعى ۇلكەن قاجىلىق ساپارى جوعارى دەڭگەيدە ۇيىمداستىرىلۋدا. اسىرەسە، قمدب - نىڭ قاجىلىق ميسسياسى قاجىلىق ساپاسىن قاداعالاۋ ءۇشىن بارىنشا بەلسەندى ارەكەت جاساۋدا. كومپانيالاردى تۇتقيىل تەكسەرىپ، قاجىلاردىڭ جاتىن ورنى، تاماقتانۋى، دەنساۋلىعى، كومپانيالاردىڭ ۇيىمداستىرۋ قىزمەتى، ءۋاعىز-ناسيحات جۇمىستارى، مىندەتتەرى مەن قىزمەت ساپاسىن بارىنشا قاداعالاۋدا» دەپ ءوز ويىمەن كومپانيا باسشىسى امانكەلدى قاجى ەرەنعايىپ ۇلى ءبولىسىپ ءوتتى. وسىلايشا، اللانىڭ قوناعىندا جۇرگەن جەرلەستەرىمىز بەسىنشى پارىزىنا وتەۋگە كىرىسىپ كەتتى.
ورازبەك ساپارحان، ارنايى «قامشى»پورتالى ءۇشىن
