شىمكەنت قالاسىندا جاڭا وقۋ جىلىندا ءبىلىم بەرۋ ۇيىمدارى 17-گە ارتىپ، 785-كە جەتتى. ءبىلىم مەكەمەلەرىندە 2021-2022 وقۋ جىلى 350 مىڭعا جۋىق ءبىلىم الۋشىلارمەن باستالعالى وتىر. بالالار سانى وتكەن جىلمەن سالىستىرعاندا 8 مىڭعا اترقان. ال، 1 سىنىپقا 25 005 بالا قابىلدانعان.

بۇل تۋرالى ءبىلىم باسقارماسىنىڭ باسشىسى جانات تاجييەۆا اقپاراتتىق-كوممۋنيكاسيالىق ورتالىعىندا وتكەن بريفينگتە مالىمدەدى. باسقارما باسشىسى اتالعان ءبىلىم مەكەمەلەرىنىڭ 526-سى بالاباقشا، 203ء-ى مەكتەپ، قالعان 32ء-سى كوللەدج بولىپ تابىلاتىنىن تولىقتىرىپ ءوتتى.

1-قىركۇيەكتەن باستاپ ءداستۇرلى فورماتتا وقىتۋ جوسپارلانۋدا. مەكتەپ فورماسىنا قويىلاتىن تالاپتار ساقتالادى، بۇل رەتتە مەكتەپكە كلاسسيكالىق ستيلدەگى ىڭعايلى كيىممەن كەلۋگە دە رۇقسات ەتىلەدى. ءبىلىم قورى ارقىلى مەكتەپ فورماسىنا ءبىر رەتتىك قارجىلاي كومەك قالاداعى 57 466 بالاعا بەرىلەدى. 30 مىڭ تەڭگە كولەمىندەگى قارجى اتاۋلى الەۋمەتتىك كومەك الاتىن وتباسى بالالارىنا، اتا-اناسىنىڭ قامقورلىعىنسىز قالعان بالالار مەن كوپ بالالى وتباسىعا جانە باسقا ساناتتاعى بالالارعا بەرىلەتىن بولادى.

ايتا كەتۋ كەرەك، شىمكەنت قالاسىنىڭ ءبىلىم ۇيىمدارى 100 پايىز Ashyq جوباسىنا قوسىلدى. سانيتارلىق-ەپيدەميولوگيالىق شارالار جايىن بايانداعان باس ءمۇعالىم قالاداعى ءبىلىم مەكەمەلەرى ءداستۇرلى فورماتتا وقىتۋعا دايىن ەكەنىنە ەرەكشە توقتالىپ ءوتتى.

ءبىلىم ۇيىمدارىندا كۇندەلىكتى تەرمومەتريا، كۆارستاۋ، جەلدەتۋ، دەزينفەكسيا جانە ماسكا رەجيمى ساقتالادى. ءبىلىم باسقارماسىنا قاراستى 785 ءبىلىم ۇيىمدارى «Ashyq» جوباسىنا 100% قوسىلدى. پەداگوگتەر مەن تەحنيكالىق پەرسونالدار 100% ۆاكسينالاندى. مەديسينالىق قارسى كورسەتىلىمدەرى بار ادامداردى قوسپاعاندا. ءبىلىم بەرۋ ۇيىمدارىنا بوگدە ادامدارعا كىرۋگە تىيىم سالىنادى. ءبىر سىنىپ - ءبىر كابينەت تالاپتارى ساقتالادى.
ايتا كەتەيىك، ەگەر ءبىلىم الۋشى اۋىرعان جاعدايدا سىنىپ قاشىقتىقتان وقىتۋعا جىبەرىلەدى. ناۋقاس جانە بايلانىستا بولعان اتا-انالار جاعدايىندا بالالار قاشىقتىقتان ءبىلىم الادى.