شىمكەنتتە «ەڭبەك» باعدارلاماسى شەڭبەرىندە «جاستار پراكتيكاسى» ارقىلى جاستاردى جۇمىسپەن قامتۋ قارقىندى جۇزەگە اسىرىلۋدا. اتالعان باعدارلاما ارقىلى جەمىسىن كورگەن جاستاردىڭ ءبىرى – پەريزات ابديجاپپاركىزى. ول بىلتىرعى جىلى م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ «ەكونوميكا جانە بيزنەس» ماماندىعى بويىنشا ءبىلىم العان.
جاس مامان وقۋ بىتىرگەن سوڭ قالالىق جۇمىسپەن قامتۋ ورتالىعىندا جۇمىسسىز رەتىندە تىركەلدى. كەيىنەن ورتالىق ماماندارى جاس مامانعا «جاستار پراكتيكاسى» باعدارلاماسىنا قاتىسۋعا ۇسىنىپ، ناتيجەسىندە بيىلعى جىلدىڭ مامىر ايىندا اتالعان باعدارلامامەن اباي اۋدانى اكىمىنىڭ اپپاراتىنا ماماندىعى بويىنشا 6 اي مەرزىمگە جۇمىسقا جولداندى.

جاستار پراكتيكاسى باعدارلاماسى ارقىلى جەرگىلىكتى مەملەكەتتىك ورگانعا جولداما الدىم. وسى جەردەگى بىلىكتى مامانداردىڭ تاپسىرمالارىن ورىنداپ، تاجىريبە جيناقتاۋدامىن. الداعى ۋاقىتتا ءبىلىمىم مەن جينعان تاجىريبەمنىڭ ارقاسىندا تۇراقتى جۇمىسقا كىرسەم دەگەن ماقساتىم بار.

جالپى،«جاستار پراكتيكاسى» ۋاقىتشا جۇمىس ورنى بولىپ ەسەپتەلىنەدى. جاس ماماندار ءۇشىن تاجىريبە جيناقتاپ، جۇمىسقا ورنالاسۋعا زور مۇمكىندىك.
اتالعان باعدارلاماعا 29 جاستان اسپاعان «جۇمىسسىز» مارتەبەسى بار جانە سوڭعى ءۇش جىل ىشىندە (2019،2020،2021ج) جوعارعى وقۋ ورىندارى مەن كوللەدجدەردىڭ تۇلەكتەرى قاتىسا الادى. جالاقىسى 25 اەك (72 925 تگ) قۇرايدى. بۇل باعدارلاماعا تەك ءبىر رەت قاتىسۋعا بولادى.

شىمكەنتتە جىل سوڭىنا دەيىن «جاستار پراكتيكاسىمەن» 2500 ادامدى جۇمىسپەن قامتۋ جوسپارلانسا، جىل باسىنان بەرى 2000-عا جۋىق شىمكەنتتىك جاستار اتالعان باعدارلامامەن ءتۇرلى مەكەمەلەر مەن كاسىپورىندارعا جولداندى.