دۇنيەنىڭ ءتوتر بۇرىشىنان جينالعان قاجىلىق نيەتىندەگى ميلليونداعان مۇسىلماندار بۇگىن ارافات تاۋىنىڭ بوكتەرىندە قاسيەتتى كۇندى قۇلشىلىقپەن وتكىزدى.ارافاتتا تۇرۋ - قاجىلىق پارىزدارىنىڭ ءبىرى. ۇلكەن قاجىلىقتىڭ قۇرامىنداعى بۇل عيبادات ءتۇرى، شاريعات بويىنشا، قۇربان ايتتان ءبىر كۇن بۇرىن ورىندالۋى ءتيىس. ارافاتتا تۇراماعان كىسى ۇلكەن قاجىلىق جاساعان بولىپ ەسەپتەلمەيدى. الەم قاجىلارى قاتارىندا وتانداستارىمىز دا كۇندەرىن ارافاتتا تۇرىپ قۇلشىلىق جاساۋمەن وتكىزدى. "نۇر - قازاقستان " قاجىلىق كومپانياسى ارقىلى كەلگەن قاجىلار دا، كۇن قىزعانعا دەيىن ارافات تاۋىنا جەتىپ، بەسىن مەن ەكىنتى نامازىن قوسىپ وقىعاننان كەيىن، يمامدار مەن كومپانيا جەتەكشىلەرى قۇران حاتىم جاساپ، ۋاعىز - ءناسيحات ايتتى. بۇدان كەيىن، قاجىلارىمىز دۇعا تىلەكتەرىن جاساپ كۇن باتقانعا دەيىن ارافاتتا تۇردى.

ورازبەك ساپارحان، ارنايى qamshy.kz پورتالى ءۇشىن مەككەدەن.