بوسقىن قازاق. الەم بويىنشا جەر كولەمى جاعىنان توعىزىنشى ورىندا تۇراتىن ۇلتتان بوسقىن شىعادى دەپ كىم ويلاعان؟ بىرنەشە ۇلتتىڭ باسىن بىرىكتىرىپ، ىنتىماق جايلى تورەلىك ايتا الاتىن ۇلتتىڭ ءوز وكىلى بوسقىندار ساناتىندا جۇرۋى-سۇيەگىمىزگە تۇسكەن تاڭبا سەكىلدى. ءبىزدىڭ مەملەكەتتەن ازاماتتىق الا الماي، ارتقا قايتايىن دەسە، قارا ورمان حالىق سونىڭ ارەكەتىنە جاۋدىرەپ قاراپ وتىرعان بوسقىن دەگەن قۇجاتى بار قازاقتىڭ تاعدىرى جان تۇرشىگەرلىك. الەۋمەتتىك جەلىلەردە وعان كومەك قولىن سوزعىسى كەلەتىن باۋىرلارىمىز تابىلىپ جاتتى. ءبىراق ونىڭ ارمانى-قازاقستاندىق ازامات اتانۋ. اقىرى بوسقىن قابىلداۋعا ساقاداي ساي ەكەنبىز، وندا ءوز ۇلتىمىزدى قابىلدايىق. وت پەن وقتىڭ ورتاسىندا باتىسقا ءبىر توپ قازاق بوسىپ بارا جاتسا، ءبىز مىندا تاۋەلسىزدىك تۋرالى ودامىزدى ايتىپ وتىرا بەرەمىز بە؟ الەم الدىندا ءوز مۇددەمىزدى بۇتىندەي الماساق، سول بوسقىن باۋىرلارىمىزدىڭ كەيپىن كيمەسىمىزگە كىم كەپىلىدىك بەرە الادى.
اينۇر تولەۋ
