شىمكەنت قالاسى اكىمدىگى مادەنيەت، تىلدەردى دامىتۋ جانە ارحيۆتەر باسقارماسىنىڭ قىزمەتكەرلەرى يگى باستامانى قولعا الدى. قالالىق دەنساۋلىق ساقتاۋ باسقارماسىمەن بىرلەسىپ جاسالعان ءىس-شارا اياسىندا ءۇشىنشى مەگاپوليستەگى بىرنەشە ەمحانالار مەن اۋرۋحانالاردا شاعىن كىتاپ سورەلەرى ورنالاستىرىلۋدا.
ايتا كەتۋ كەرەك، اتالعان جوباعا قالاداعى ءتورت كىتاپحانا قاتىسىپ، مەديسينالىق مەكەمەلەردە وزدەرىندەگى ءتۇرلى جانرداعى ادەبيەتتەردى قويىپ جاتىر. ماسەلەن، ءال-فارابي اتىنداعى قالالىق عىلىمي-امبەباپ كىتاپحاناسى 3ء-شى ەمحانادان ارنايى كىتاپ بۇرىشىن اشتى.
مۇنداعى باستى ماقسات-تۇرعىنداردى كىتاپ وقۋعا قىزىقتىرۋ جانە تارتۋ، كىتاپحانالاردى، ولاردىڭ كورسەتەتىن قىزمەتتەرىن تانىتۋ بولىپ تابىلادى.
ايتا كەتەيىك بۇل جوبا ارقىلى الداعى ۋاقىتتا بارلىق دەنساۋلىق نىساندارىن قامتۋ كوزدەلىپ وتىر.
پىكىر قالدىرۋ