شىمكەنت قالاسى بويىنشا «نۇرلى جەر» مەملەكەتتىك باعدارلاماسى اياسىندا جەڭىلدەتىلگەن پايىزبەن نەسيەلىك باعىتتا باسپانا الۋدى كوزدەگەن ازاماتتاردىق سانى كوبەيۋدە. بۇگىنگى تاڭدا بانكتىڭ يپوتەكالىق قارىز شارتىن ماقۇلداۋ تۋرالى حاتى نەگىزىندە تۇرعىن ءۇي سەرتيفيكاتىن يەلەنگەن ازامتتار سانى 30-عا جەتتى. بۇل تۋرالى شىمكەنت قالالىق تۇرعىن ءۇي باسقارماسىنىڭ جەكەشەلەندىرۋ جانە نەسيەلىك تۇرعىن ءۇي ءبولىمىنىڭ باسشىسى گۇلنار اشىربايەۆا ب ا ق وكىلدەرىنە بەرگەن سۇحباتىندا مالىمدەدى.
ازىرگە تۇرعىن ءۇي سەرتيفيكاتىنىڭ تالاپتارى مەن شارتتارىنا سايكەس كەلگەن قالا تۇرعىندارىنىڭ باسىم كوپشىلىگى «نۇرلى جەر» مەملەكەتتىك باعدارلاماسىنىڭ «باقىتتى وتباسى» نەسيەلىك باعىتىنىڭ قاتىسۋشىلارى.
قازىرگى تاڭدا www.كezekte.kz ينتەرنەت پورتالى ارقىلى جالپى سانى 336 ازاماتتان تۇرعىن ءۇي سەرتيفيكاتىنا ءوتىنىم كەلىپ تۇسكەن. ونىڭ ىشىندە 268 ءوتىنىم بويىنشا تۇرعىن ءۇي سەرتيفيكاتىن بەرۋدىڭ جالپى تالاپتارى مەن شارتتارىنا سايكەس كەلمەۋى سەبەپتى باس تارتىلعان.
اتاپ ايتساق، 178 تۇرعىن قۇجاتتارىن تولىق جىبەرمەگەن. 11 ءوتىنىم يەسىنىڭ دەرەكتەرى انىق ەمەس، ال 79 ازاماتتىڭ ءوتىنىمى تۇرعىن ءۇي سەرتيفيكاتىنىڭ تالاپتارى مەن شارتتارىنا مۇلدە سايكەس كەلمەگەن.
قۇجاتتارىن تولىق جىبەرمەگەن جانە دەرەكتەرى انىق ەمەس ازاماتتار تۇرعىن ءۇي سەرتيفكاتىنا قايتا ءوتىنىم جىبەرە الادى.
ايتا كەتۋ كەرەك، شىمكەنت قالاسىندا تۇرعىنداردى نەسيەلىك باعىتتا باسپانامەن قامتۋ بويىنشا جۇيەلى ءىس-شارالار بەلسەندى جۇرگىزىلۋدە.
پىكىر قالدىرۋ