بۇگىن ق ر قورعانىس ءمينيسترى يمانعالي تاسماعامبەتوۆ تمد مەملەكەتتەرى قارۋلى كۇشتەرىنىڭ اسكەري اتىس تۇرلەرى بويىنشا «اسكەري ىنتىماقتاستىق - 2015» وقۋ-جاتتىعۋلارى ءوتىپ جاتقان سارىشاعان سىناق الاڭىنا باردى.  بۇل تۋرالى «قامشى» پورتالى ۆەدومستۆونىڭ باسپا ءسوز قىزمەتىنە سىلتەمە جاساي وتىرىپ حابارلايدى.

Total.kz –ءتىڭ اقپاراتتارىنا سۇيەنسەك، «اسكەري ىنتىماقتاستىق - 2015» وقۋ-جاتتىعۋلارى كەزىندە ق ر قارۋلى كۇشتەرى اۋە شابۋىلىنا قارسى زەنيتتىك زىمىران كەشەندەرىنەن ەسەپتىك وق اتۋ ماشىقتارىن كورسەتكەن. سونىڭ ىشىندە، س-75، س-125، س-300، كەشەندەرى جەردەن اۋەدەگى نىساندى جويۋ تاپسىرمالارىن ءساتتى ورىنداسا، سۋ-27، سۋ-25، ميگ-29، ميگ-27، ميگ-31اسكەري ۇشاقتارى اۋەدەن شابۋىل جاساۋ ادىستەرىنەن شەبەرلىك كورسەتكەن.

ايتا كەتەيىك، بىرىككەن وقۋ-جاتتىعۋ جۇمىستارىنا 1200-دەن استام اسكەري قىزمەتكەر، 48 بىرلىك اۋە-اسكەري تەحنيكالارىمەن، 6 زەنيتتىك زىمىران كەشەندەرى جانە 15 راديولوكاسيالىق ستانسا جۇمىلدىرىلعان.