جاقىندا قاسيەتتى مەككەدە قازا بولعان قازاقستاندىق قاجىنىڭ ەسىمى بەلگىلى بولدى. ول 78 جاستاعى قازاقستاندىق ايەل م.مانسۇروۆا.  قازاقستاننان قاجىلىپ پارىزىن وتەۋگە بارعان 78 جاستاعى م.مانسۇروۆامەن بىرگە وتباسى مۇشەلەرىنەن ەشكىم بىرگە ەرىپ بارماعان. ال، قاجىلىق كەزىندە جۇرەگى قىسىلعان مانسۇروۆا مەككەدەگى اۋرۋحانالاردىڭ بىرىندە كوز جۇمعان. بۇل تۋرالى «قامشى» پورتالى nur.kz-كە سىلتەمە جاساي وتىرىپ حابارلايدى.

وسى وقيعادان كەيىن قازاقستان مۇسىلماندارى ءدىني باسقارماسى قاجىلىققا بارۋ تۋرالى ەرەجەگە وزگەرتۋلەر ەنگىزىلەتىنىن مالىمدەدى. كەلەسى جىلدان باستاپ قاجىلىققا باراتىن قاريالاردىڭ قاسىنا ءبىر تۋىسقانى ەرىپ بارۋى مىندەتتەلەتىن بولادى.

ايتا كەتەيىك، مينا جازىعىنداعى وقيعادان قازا تاپقانداردىڭ اراسىندا قازاقستاندىق قاجىلار جوق. بۇل تۋرالى قمدب باسپا ءسوز قىزمەتى حابارلاعان بولاتىن.