اۋىر جۇمىس ىستەيتىن جۇمىسشىلار ەندى 55 جاستان زەينەتكە شىعا الادى. بۇل تۋرالى «قامشى» پورتالى «نۇر وتان» پارتياسىنىڭ ورتالىق اپپاراتىندا ەڭبەك كودەكسى جوباسىن تالقىلاۋ بارىسىندا دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆانىڭ سوزىنە سۇيەنە وتىرىپ حابارلايدى.
«قازاقستاندا زەينەتاقى تۋرالى زاڭ 2010 جىلى العاش رەت قابىلدانعان. ال، 2014 جىلى زاڭعا وزگەرىستەر مەن تولىقتىرۋلار ەنگىزىلدى. سوعان سايكەس، بۇرىن ەڭبەك ازاماتتارى ەڭبەكاقى ەسەبىنەن 10 پايىز عانا جارنا تولەپ وتىراتىن. ەندىگى كەزەكتە اۋىر جۇمىس ىستەيتىن ازاماتتارعا جۇمىس بەرۋشىلەر قوسىمشا تاعى 5 پايىز تولەيتىن بولادى. دەمەك، بيىلدان باستاپ اۋىر جۇمىس ىستەيتىن جۇمىسشىلارعا 15 پايىز جارنا تولەنىپ، ولار 55 جاسىندا زەينەتكە شىعۋعا مۇمكىندىك الاتىن بولادى»،-دەدى تامارا دۇيسەنوۆا.
