شىمكەنت قالاسىنىڭ اكىمى مۇرات ايتەنوۆ كەزەكتى تىكەلەي ەفيردە مەملەكەت باسشىسىنىڭ «حالىق بىرلىگى جانە جۇيەلى رەفورمالار - ەل وركەندەۋىنىڭ بەرىك نەگىزى» قازاقستان حالقىنا ارناعان جولداۋىندا ايقىندالعان مىندەتتەردى قالا اۋماعىندا ىسكە اسىرۋدىڭ جۇيەلى ءتارتىبىن جاريا ەتتى.

قالا اكىمى بۇل ساياسي قۇجاتتا مەملەكەت دامۋىنىڭ ستراتەگيالىق باسىمدىقتارى ايقىندالىپ، ەكونوميكالىق دامۋ، دەنساۋلىق ساقتاۋ، ءبىلىم بەرۋ، وڭىرلىك دامۋ، تاعى باسقا ماڭىزدى 7 باعىت بويىنشا ىسكە اسۋى ءتيىس مىندەتتەر بەلگىلەنگەنىن اتاپ ءوتتى.

قالانىڭ الەۋمەتتىك-ەكونوميكالىق دامۋى پرەزيدەنتتىك جولداۋ اياسىندا قابىلداناتىن جالپىۇلتتىق جوسپار بويىنشا جۇزەگە اساتىنىن جەتكىزدى. ايقىندالعان باسىمدىقتاردى تابىستى ىسكە اسىرۋعا قالادا بارلىق مۇمكىندىكتەر بار ەكەنىن اتاپ وتكەن قالا باسشىسى، بۇل باعىتتا ءبىرقاتار جۇمىستاردى جۇيەلى اتقارۋعا الەۋەتىمىز جەتەتىنىن ايتتى.

– ەكونوميكالىق وسىمگە قول جەتكىزۋدە كاسىپكەرلىكتى قولداۋعا 7 ملرد تەڭگە باعىتتالىپ، 2250 بيزنەس وكىلدەرىنە قولداۋ كورسەتىلەتىن بولادى. «بيزنەستىڭ جول كارتاسى» بويىنشا 1 مىڭ جوبا قامتىلادى. «بيزنەستىڭ جول كارتاسى» جانە «قاراپايىم زاتتار ەكونوميكاسى» باعدارلامالارى اياسىندا بۇگىنگە دەيىن 57،4 ملرد تەڭگەگە 1 788 جوبا قارجىلاندىرىلىپ، 7،2 مىڭ جۇمىس ورنى اشىلدى. ياعني، قالادا اشىلعان ءاربىر ءۇشىنشى جوبا اتالعان باعدارلاما اياسىندا ىسكە استى.

«قاراپايىم زاتتار ەكونوميكاسى بويىنشا بيىلعا جوسپارلانعان 80 جوبانىڭ 61ء-ى قارجىلاندىرىلدى. قالانىڭ ەكسپورتتىق الەۋەتىن ارتتىرۋدا «جۇلدىز» يندۋستريالدى ايماعىندا 200 ملرد تەڭگەگە 60 ءىرى جوبانى، «ستاندارت» جەكە يندۋستريالدى ايماقتا 180 ملرد تەڭگەگە 30 جوبانى ىسكە اسىرۋ مۇمكىندىگىمىز بار. حالىقتى ازىق-تۇلىك ونىمىمەن تولىق قامتاماسىز ەتۋ باعىتىندا 2 اگرويندۋستريالدى ايماقتىڭ قۇرىلىسى باستالدى. اۋىلشارۋاشىلىق ونىمدەرىن تەرەڭ وڭدەۋدە «بوزارىق» تاماق ونەركاسىبى يندۋستريالدى ايماعى قۇرىلىپ، قۇنى 23 ملرد تەڭگەنى قۇرايتىن 21 جوبا ىسكە اسادى، – دەدى قالا اكىمى.

شاھار باسشىسى ازىق-تۇلىك تاۋارلارىنىڭ باعاسىن تۇراقتاندىرۋ، اگروونەركاسىپتى دامىتۋ شەڭبەرىندە 136 گەكتارعا زاماناۋي ونەركاسىپتىك جىلىجاي̆ كەشەندەرى سالىناتىنىن اتاپ ءوتتى. مۇندا 30 ملرد تەڭگەگە 20 جوبا جۇزەگە اسپاق.

بۇگىندە قالادا 3 الەۋمەتتىك دۇكەن جۇمىس ىستەيدى. جىل سوڭىنا دەيىن قوسىمشا 7 الەۋمەتتىك دۇكەن اشۋ جوسپارلانۋدا. سونىمەن قاتار، 2025 جىلعا دەيىن 1 مىڭ توسەك ورىندىق اۋرۋحانا، 10 مەديسينالىق مەكەمە، 12 دارىگەرلىك امبۋلاتوريا ىسكە قوسىلماق.

قالانىڭ وسى جانە وزگە دە مۇمكىندىكتەرى جونىندە كەڭىنەن توقتالىپ، تولىققاندى اقپار بەرگەن قالا اكىمى، ءبىلىم بەرۋ، دەنساۋلىق ساقتاۋ، ينفراقۇرىلىمدىق دامۋ، تۇرعىن ءۇي قۇرىلىسى، سيفرلاندىرۋ، بۇقارالىق سپورتتى دامىتۋ، سالاۋاتتى ەكوجۇيە ءتۇزۋ باعىتتارى بويىنشا بەلگىلەنگەن جۇمىس كولەمدەرىنە جەكە-دارا توقتالدى.

تۇرعىندارمەن تىكەلەي جەلى بارىسىندا ازاماتتاردان تۇسكەن ساۋالدارعا جاۋاپ بەرىپ، وزەكتى ماسەلەلەردى شەشۋدەگى جوسپارلى جۇمىستاردىڭ اتقارىلۋ بارىسىن باياندادى.

ەفيردى قورىتىندىلاي كەلە مۇرات دۇيسەنبەك ۇلى، مەملەكەت باسشىسىنىڭ جولداۋى مەملەكەتتىك تۇرعىداعى مەجەلەردى بەلگىلەيتىنىن اتاپ ءوتىپ، ەل تۇرمىسىن تۇزەۋگە، ازاماتتاردىڭ ءومىر ساپاسىن ارتتىرۋعا قىزمەت ەتەتىنىن جەتكىزدى. جۇمىلا اتقارعان جۇمىستىڭ ناتيجەلى بولاتىنىن ايتىپ، تۇرعىنداردى مەملەكەتتىك مىندەتتەردى بىرلەسە اتقارۋعا شاقىردى.