قالامىزداعى جالپى اۆتوموبيل جولدارىنىڭ ۇزىندىعى 3247 شاقىرىمدى قۇرايدى. ونىڭ 632 شاقىرىمى ەڭبەكشى اۋدانىنا قاراستى. قازىرگى ۋاقىتتا اۋدانداعى 393،4 شاقىرىمعا اسفالت جول، 208،1 شاعال تاس بولسا، ال 30،5 شاقىرىم توپىراق جول بولىپ تابىلادى.

بيىل مۇندا 62،4 شاقىرىم اسفالت جولعا جوندەۋ جۇرگىزىلىپ، 13 شاقىرىم جولعا شاعال تاس توسەۋ جوسپارلانعان. قالامىزداعى جالپى اۆتوموبيل جولدارىنىڭ ۇزىندىعى 3247 شاقىرىمدى قۇرايدى. ونىڭ 632 شاقىرىمى ەڭبەكشى اۋدانىنا قاراستى. قازىرگى ۋاقىتتا اۋدانداعى 393،4 شاقىرىمعا اسفالت جول، 208،1 شاعال تاس بولسا، ال 30،5 شاقىرىم توپىراق جول بولىپ تابىلادى. بيىل مۇندا 62،4 شاقىرىم اسفالت جولعا جوندەۋ جۇرگىزىلىپ، 13 شاقىرىم جولعا شاعال تاس توسەۋ جوسپارلانعان. 

قالا اكىمىنىڭ ەڭبەكشى اۋدانىنا بارعان ساپارى كەزىندە جول بويىنشا اتقارىلعان جۇمىستاردى قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ە.جولداسوۆ باياندادى.كۇردەلى جوندەۋ جۇمىستارىنا سايكەس، «كورپوراسيا بەرەكە—ا» قۇرىلىس كومپانياسىنىڭ مەردىگەرلىگىمەن 17 كوشەگە، ياعني 6 شاقىرىم جول جوندەلىپ،  تولىعىمەن پايدالانۋعا بەرىلگەن. 

ورتاشا جوندەۋ جۇمىستارى بويىنشا جالپى سانى 40 شالعاي جانە ىشكى ورام كوشەلەرى، ياعني 50،2 شق جول جوندەۋدەن وتۋدە. ونىڭ ىشىندە 28 كوشە (70%) تولىعىمەن اياقتالعان، 9 سوتپەن توقتاتىلعان، ال 3 جۇمىس بارىسىندا. بۇل جۇمىستار جىل سوڭىنا دەيىن اياقتالماق. اۋداننىڭ ماگيسترالدى كوشەلەرى - ج.شاياحمەتوۆ، اقنازار حان جانە ك.سەتكين كوشەلەرىندە 46% جۇمىس اياقتالىپ، قازىرگى ۋاقىتتا سوتپەن توقتاتىلعان. 

ال، قيىرشىق تاس توسەۋ جۇمىستارىن مەردىگەر مەكەمە «پريمەر-ستروي» ج ش س جۇرگىزدى. اۋدانعا قاراستى ەلامان، جۇلدىز، وڭتۇستىك جانە بادام شاعىن اۋداندارىنداعى 13 شاقىرىمدى قۇرايتىن 21 كوشەگە شاعال تاس توسەلدى. 2022 جىلعى جوسپار ەڭبەكشى اۋدانىنداعى ۇزىندىعى  111،4 شاقىرىم بولاتىن 44 كوشەگە اسفالت سالۋ جوسپارلانىپ وتىر. 

شىمكەنت قالاسىنىڭ اكىمى مۇرات ايتەنوۆ مەملەكەت باسشىسىنىڭ شەتكى ايماقتاردى دامىتۋ تۋرالى بەرگەن تاپسىرماسىن جۇزەگە اسىرۋ ماقساتىندا شاعىناۋداندار مەن تۇرعىن الاپتاردىڭ ينفراقۇرىلىممەن قامتىلۋ جايىن  پىسىقتادى.

اۋداننىڭ ەلەكتر جۇيەسىمەن قامتىلۋ جاعدايىن بايانداعان شىمكەنت قالاسىنىڭ ەنەرگەتيكا جانە ينفراقۇرىلىمدى دامىتۋ باسقارماسىنىڭ باسشىسى ب.بولاتبەكوۆ اۋداننىڭ مەملەكەتتىك ەلەكتر جۇيەسىمەن قامتۋ كورسەتكىشى 96،5 پايىزدى قۇرايتىنىن جەتكىزدى. قازىرگى تاڭدا جالىن تۇرعىن الابىندا، جۇلدىز جانە قاراباستاۋ تۇرعىن الابتارىنىڭ جاڭاقۇرىلىسىندا ساپالى ەلەكتر جەلىسىن تارتۋ جۇمىستارى جۇرگىزىلىپ جاتقانىن اتاپ ءوتتى.

ونىڭ ايتۋىنشا، 10 تۇرعىن الاپتاعى جەكەمەنشىك جۇيەدەگى 2،5%-دى جانە جاڭا قۇرىلىس ۋچاسكەلەرىندەگى قامتىلماعان 1،0%-دى  ساپالى ەلەكتر قۋاتىمەن قامتۋ ءۇشىن قالالىق ەنەرگەتيكا جانە ينفراقۇرىلىمدى دامىتۋ باسقارماسىنىڭ تاپسىرىسىمەن «ەنەرگوسەرۆيس ەتل» جشس-مەن جوبالىق سمەتالىق قۇجات ازىرلەنۋدە ەكەنىن ايتتى. اعىمداعى جىل سوڭىندا جسق اياتالعان سوڭ، قۇرىلىس جۇمىستارىنا قارجى بولۋگە ءوتىنىم بەرىلەدى. 2022 جىلى قاراباستاۋ، قاراتوبە، ايناتاس، توعىس، جۇلدىز، بادام-1/2، تۇردىاباد، ماياتاس، ەلامان تۇرعىن الابتارىنىڭ ەلەكتر ساپاسى ارتادى. وسىلايشا الداعى جىلدارى ەڭبەكشى اۋدانىنداعى 47 مىڭنان استام تۇرعىن ساپالى ەلەكتر قۋاتىنا قول جەتكىزىپ، قامتىلۋ كورسەتكىشى 100 پايىزعا جەتپەك.

ەڭبەكشى اۋدانىندا «حالىق قاتىساتىن بيۋدجەت» جوباسىنىڭ اياسىندا 56 كوپقاباتتى ءۇيدىڭ اۋلالارى جاڭارتىلادى. اتالعان جۇمىستارعا بيۋدجەتتەن 890 ملن. تەڭگە ءبولىنىپ وتىر. بۇل تۋرالى اۋدان اكىمى د.ەسىلبەك اۋداندا اتقارىلعان جۇمىستار بارىسىن قالا اكىمى مۇرات ايتەنوۆكە تانىستىرۋ بارىسىندا ايتتى.
ونىڭ ايتۋىنشا، قازىرگى تاڭدا 24 كوپقاباتتى ءۇيدىڭ اۋلالارىندا اباتتاندىرۋ جۇمىستارى جۇرگىزىلۋدە ەكەن. قالعان 32 كوپقاباتتى ءۇي بويىنشا مەملەكەتتىك ساتىپ الۋ ءىس-شاراسى وتكىزىلۋدە.

ەڭبەكشى اۋدانى بويىنشا 630 كوپقاباتتى تۇرعىن ۇيلەر 435 اۋلاعا بىرىكتىرىلگەن. اۋداندا 2011-2020 جىلدار ارالىعىندا كەزەڭ-كەزەڭمەن 565 ءۇيدىڭ 373 اۋلاسى اباتتاندىرىلعان. 
اۋلالارى بۇرىن اباتتاندىرىلعان ۇيلەردىڭ باسىم بولىگىندەگى ويىن ەلەمەنتتەرىنىڭ توزىعى جەتكەن، جاڭالاۋدى قاجەت ەتەدى. اۋداندا اعىمداعى جىلدان باستاپ اۋلالاردى قايتا اباتتاندىرۋ، بالالار ويىن الاڭشالارىن جاڭالاۋ جۇمىستارى قازاقستان

رەسپۋبليكاسىنىڭ پرەزيدەنتى قاسىم-جومارت توقايەۆتىڭ «حالىق ۇنىنە قۇلاق اساتىن مەملەكەت» تۇجىرىمداسىنىڭ نەگىزىندە «حالىق قاتىساتىن بيۋدجەت» جوباسى اياسىندا ىسكە اسىرىلۋدا. 

2022 جىلى اباتتاندىرۋ جۇمىستارى وسى جوبا شەڭبەرىندە جۇرگىزىلەتىن بولادى. ايتا كەتەيىك، وسى جىلدىڭ قىركۇيەك ايىنان باستاپ تۇرعىنداردان جوبالىق ۇسىنىستار اۋدان اكىمى اپپاراتىنىڭ رەسمي سايتى ارقىلى قابىلداۋ باستالدى.
مەملەكەت باسشىسى بۇقارالىق سپورتتى دامىتۋدى جانە سپورتتى بارشاعا قولجەتىمدى ەتۋدى  ايتقان بولاتىن. وسى باعىتتاعى جۇمىستارمەن قالا اكىمى مۇرات ايتەنوۆتى بۇگىن ەڭبەكشى اۋدانىنىڭ اكىمى د.ەسىلبەك تانىستىردى.

اتالعان اۋداندا جالپى 2021 جىلعا دەيىن 85 اشىق سپورت الاڭشالارى ورناتىلعان. Nur Otan پارتياسىنىڭ 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسى اياسىندا جانە  قالا اكىمىنىڭ تاپسىرماسىنا سايكەس وسى جىلى اۋداندا 15 اشىق سپورت، ترەناجەر، ۆوركاۋت الاڭشالارى ورناتۋ جوسپارلانعان.  
قازىرگى تاڭدا  قاراباستاۋ تۇرعىن الابىندا دەمەۋشى ەسەبىنەن 1 اشىق سپورت الاڭشاسى  ورناتىلىپ، تۇرعىنداردىڭ يگىلىگىنە تاپسىرىلعان. جوبا قۇنى 13،5 ملن. تەڭگەنى قۇرايدى.

سونىمەن قاتار 14 سپورت الاڭشاسىن ورناتۋ بويىنشا مەملەكەتتىك ساتىپ الۋ ءىس-شاراسى جۇرگىزىلۋدە.  اۋدان اكىمىنىڭ ايتۋىنشا، 2011-2014 جىلدار ارالىعىندا ورناتىلعان قولدانىستاعى اشىق سپورت الاڭشالىرىنىڭ 21ء-نىڭ توزۋىنا بايلانىستى، كەلەسى جىلى قايتا قۇرۋ جوسپاردا بار. ودان بولەك، شالعاي اۋماقتاردان 10 سپورت الاڭشاسىن جاڭادان قۇرۋ جوسپارلانۋدا.